ANG Aboitiz Equity Ventures (AEV) nitapos sa miaging tuig 2019 uban sa net income nga P22.0 billion, 1% ubos kini sa P22.2 billion nga natala sa miaging tuig.
Ang power nikuha og 57% sa total income contributions gikan sa EV’s Strategic Business Units (SBUs) sa 2019, gisundan sa Banking and Financial Services (30%), Food (7%), Land (4%), ug Infrastructure (2%).
Walay one-off gains, ang AEV’s core net income sa 2019 mao ang P21.5 billion, 7% ubos sa year-on-year (YoY) gikan sa P23.1 billion.
Ang AEV nitala og consolidated nga kita sa wala pay interest, taxes, depreciation, ug amortization (EBITDA) niabot og P60.2 billion sa 2019, 1% ubos sa P60.7 billion sa gisundan nga tuig.
“Despite challenges in our power business last year, our portfolio was largely able to sustain its operational and bottom line performance, as better-performing businesses continued their positive trajectory,” matod ni Sabin M. Aboitiz, AEV President ug Chief Executive Officer.
Ang Aboitiz Power Corporation’s net income contribution sa AEV alang sa 2019 niubos og 20% YoY, ngadto sa P13.3 billion gikan sa P16.7 billion.
Ang EBITDA nitala sa 2019 alang sa generation ug retail electricity supply businesses nga P36.2 billion, 16% nga pagkunhod YoY. Kini tungod sa outages nga nasinati sa ma pasilidad sa kompaniya ug gisamotan panginahanglan sa replacement power sa mas taas nga spot market prices.
Ang Union Bank of the Philippines’ income contribution sa AEV sa 2019 nikita og P7.2 billion.
Ang AEV’s non-listed food subsidiaries’ (Pilmico Foods Corporation, Pilmico Animal Nutrition Corporation, ug Pilmico International Pte. Ltd.) nikita og P1.58 billion sa 2019.
Ang AEV’s non-listed real estate businesses, sama sa Aboitiz Land, Inc. ug ang iyang subsidiaries, nitaho og kita nga P943 million sa 2019.
Sa Infrastructure group, ang Republic Cement & Building Materials, Inc. nikita og P612 million sa 2019. (PR)