SUPERBALITA CEBU

CCPO: no mask, no entry

SUGOD sa Lunes, Marso 19, 2020, di na mopasulod og tawo ang camp Sotero Cabahug nga naa nahimutang ang Cebu City Police Office nga di mag face mask.

Agi kini og panagang batok sa coronavirus disease human nga adunay upat ka mga pulis sa Metro Manila nga gidudahan nga adunay coronavirus disease (COVID-2019).

Gibutyag ni Police Colonel Engelbert Soriano, hepe sa kapulisan sa Dakbayan sa Sugbo, tumong ini ang paglikay nga mokatap ang virus.

Magbutang usab silag disinfectant sa gate sama sa alcohol.

Kadtong mosulod manghunaw sa ilang mga kamot.

Gawas ini, duna sab silay thermal gun nga mosusi sa temperatura sa tawo, kon aduna ba kini hilanat sa lawas.

Way gipili, matod ni Soriano, kay bisan ang ilang mga personnel ug media nga mokuhag balita sa kapulisan hugot nga did-an kon way face mask.

Ang tumong ug tuyo niini pasabot sa hepe sa CCPO nga dili mo katap sa mga police ang gikahadlokan nga virus.

“Yung immediate action namin dyan is to strengthen yung immune system ng aming kapulisan. Ina-advisan ko na rin na mag multi vitamins sila aside from remedial measure na gaya ng pag mama-mask namin,” matod ni Soriano.

Sayo kini nga gipahibawo sa CCPO aron masayod ang publiko nga mosulod sa kampo ilabi na kadtong mokuhag police clearance.

Wa hinuoy gi-require si Soriano kon unsa nga matang sa face mask, basta adunay tabon sa nawong, mahimo ra kini nga makasulod.

Magpapalit usab siyag mask sa mga parmasya alang sa mga personnel nga wa pa niini, apan modawat usab sila kon adunay ihatag ang Kagamhanan sa Dakbayan sa Sugbo.

Dugang niya nga kon adunay pulis nga hilantan, di lang una patrabahuon sulod sa 14 ka adlaw samtang na niid sa kahimtang sa ilang panglawas.

Gani miawhag siya sa mga tawo nga gustong molamano nga di lang una kini buhaton inay magsinyas lang sa kamot ug okay paglikay samtang naa pa sa nasud ang Covid-19.

Atol sa iyang pag bisita sa mga barangay mao usab ang iyang pahimangno nga dili mo kompyansa ug kanunayon ang pag limpyo sa kaugalingon sama sa pag gamit sa alcohol ug mo inom og vitamins aron mo lig-on ang immune system.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!