NAKABSAN sa kinabuhi ang usa ka lalaki human nalatayan og tractor sa gimaneho sa kauban niini mga alas 3:40 sa Marso 9 sa Barangay Cogon, dakbayan sa El Salvador, Misamis Oriental.
Giilang biktima nga mao si Clemente Neri, 55, minyo, residente sa susamang siyudad kinsa nadaganan sa tractor nga gimaneho sa kauban niini nga giilang si Demetrio Mambayla, pulos mga trabahante sa local nga kagamhanan sa El Salvador City.
Sa imbestigasyon sa El Salvador City Police Station nasuta nga kining biktima kamulo og daro sa luna gamit ang tractor apan posibleng wala nabantayan ni Mambayla iyang kauban hinungdan nadaganan kini.
Paspas nga gidala ang biktima sa Lying In Medical Clinic sa maong siyudad apan gideklarar nga dead on arrival sa mga doktor.
Giingong ang pamilya sa biktima ang dili na bout pa mopasaka og sumbong batok ni Mambayla karon panahona.