DEAR Papa Joe,
Ako diay si Gannicus, 32 years old, minyo, naay usa ka anak.
Nagsugod ni ang kalabad sa akong ulo sa dihang nibalhin ko og trabahoan. Nagtrabaho diay ko sa usa ka business process outsourcing diri sa Cebu, Papa Joe. Akong gikaila si Ms. Aquarius nga kauban nako sa trabaho. Dali kaayo mi nga nagkasuod kay magkasinabot ming duha. Daghan kaayo mi og things in common. As in magkasinabot mi sa bisan unsa nga butang nga among maestoryahan. Like movies, TV series, music ug jam sad jud kaayo siya. Dali siya duolon kay wa siyay daghang arte.
Happy kaayo if magkuyog mi papa joe. Pero naa siyay uyab ug engage na sila ato nga time. Nagkadugay, Papa Joe, murag lain na man akong feelings didto niya. Ako siya gisultihan sa akong na feel didto niya. Pero wa koy intensyon. Gusto lang ko nga makahibawo siya. Crush crush ra man ta to akoa, Papa Joe. Pero ambot ba, gi-try nako og pugong ug tago sa akong na feel kay what for man?
Malipay naa kaayo ko, Papa Joe, kon magkuyog mi nga kami ra bisag diri lang sa among trabahoan. Mag-holding hands mi, magkusi-kusi. Pero didto ra kutob. I’ve tried my very best para di mosamot akong na feel niya. Pero ambot ba, nisamot man hinuon. Ni-resign na siya ug gikasal na siya last year. Ni-attend ko sa iyang kasal.
Unsa kaha to iyang na feel for me noh? Tinuod ba kaha to? Hangtod karon, sige gihapon kog think niya . Pinagtagpo, pero di tinadhana. Unsaon nako pagkalimut niya ? Palihug lamdagi ko.
Gannicus
Gannicus,
Ang Tawo way katagbawan. Pero minyo na ka ug may anak na ka ug kasado pa mo. Di maato ang tanan. That is why we have to be responsible sa atong mga aksyon kon minyo na ta. Kato kay minyo na, kalimti na lang to para magmalipayon sad to sila kay unfair sad sa iyang bana kon magsamoksamok pa ka ug unfair sad ka sa imong wife.
Just pray and tan-awa ang imong anak ug worth it ba sila? Mapagan sa kaugalingon nimong kalipay.
Papa Joe
(sa inyong tampo ipadala lang sa papajoesuperb@gmail.com)