SUPERBALITA CEBU

Super Suroy: Pagsuroy-suroy sa modernong paagi

WALA na kinahanglana nga mokuha ka pa og tour guide sa inyong pagpanuroy sa historical sites sa Sugbo kay ang Smart Communications Inc., inabagan sa InnoPub Media migamit na sa makabag-ong teknolohiya aron nga mas mapalawman pa ninyo ang pagsabot sa kasaysayan.

Kini pinaagi sa pag-scan sa QR (quick response) code gamit sa inyong smartphone, usa lang ninyo ka click imo nang mabasa ang mga inpormasyon o detalye mahitungod sa usa ka historical landmark o heritage site.

Ang Smart mipasiugda og ‘Heritage Walk’ sa mga mahinungdanon ug makasaysayanong dapit sa Sugbo ilabi na sa downtown area.

Kining inyong tigsuwat nakahigayon sa paglibot sa mga dapit nga nalakip sa ‘Heritage Walk’ diin sa tuig 2021 saulogan nato ang ika-500 nga katuigan sa pagpakatap sa Kristiyanismo sa Sugbo.

Heritage of Cebu Monument

Ang maong monumento nahiluna atubangang bahin Parian Fire Station ug gikan sa maong dapit malakaw ra ang uban nga mahinungdanong lugar sa Sugbo.

Makita sa maong monumento ang replika sa mga mahinundanong panghitabo sa Sugbo, 500 na ka tuig ang milabay ug mga tawo diha sa rebulto adunay dakong papel sa history sa Sugbo. Pinaagi sa cubism art nga susama sa sculpture nga anaa sa EDSA, Manila ang maong monumento.

Makita sa maong monumento ang tulo ka mga dagkong simbahan sa Sugbo ang Basilica Minore Del Santo Nino de Cebu, Metropolitan Cathedral ug ang Iglesia de San Juan Bautista.

Nakita sab ang pagsaulog sa unang misa sa Sugbo.

Anaa sab si Datu Lapu-Lapu ang labing unang bayani sa nasud ingon man si Ferdinand Magellan kinsa nagdala og mapa ug telescope nga nagpa-ila nga usa ka navigator.

Anaa sab si Miguel Lopez de Legaspi, laing Spanish navigator nga unang mitaak sa Sugbo niadtong 1565.

Di lang kabahin sa mga inilang tawo sa kasaysayan apan gipakita sab mahitungod sa pagpanikaysikay kaniadto ilabi na sa natad sa komersiyo sama nalang sa pakiglambigit sa mga Instik, Arabo tali sa mga Pinoy.

Pinaagi sa pag-scan sa QR code mabasa na nimo ang dugang detalye sa maong lugar.

Iglesia De San Juan Bautista

Usa kini sa pinaka-nindot nga simbahan sa Sugbo ug wala pay laing simbahan sa Sugbo nga nakatupong niini .

Ang maong simbahan nahiluna kilid sa Parian Monument ug sa Parian Fire Station.

Kaniadto ang maong simbahan ginama sa mga stone blocks ug ang mga gamit alang sa misa niini ginama sa tinuod nga bulawan ang maong simbahan alang sa mga Chinese mestizo o mga Chinese nga ni-convert sa pagka-Kristyano aron tugotan nga maka-trade sa Sugbo.

Ang nag-atiman sa maong simbahan ug maghatag sa mga donasyon alang sa simbahan mao ang mga Instik.

Gipaguba ang maong simbahan kay sigun sa kasaysayan gikasinahan kaniadto sa mga Augustinian friars sa maong simbahan. Apan karon usa nalang kini ka kapilya nga nagsilbing nahumanan sa nahimutangan sa maong simbahan.

Anaa sab sa QR code nahiluna atubangan sa maong chapel ug mamahimo nimong i-scan, aron makita ang mga hulagyway sa maong simbahan kaniadto.

Jesuit House

Dili halayo sa Parian monument ang Jesuit House, diin sa imong pagsulod makapangutana ka og nganong nahimo kining usa ka historical landmark nga usa man kini ka hardware warehouse.

Apan sa higayon nga imo kining sudlon mosugat kanimo ang usa ka tinagoang bahandi sa Sugbo.

Inig dayon nimo og sulod imong malabyan ang usa ka sa miniature replica sa mga barko nga gigamit sa mga Espanyol ug ang mga nakub ub nga mga porselana.

Sa pagsaka nimo sa maong balay makita nimo kung unsa gyud ang hitsura sa balay sa mga Sugbuanon, 280 na ka tuig ang milabay.

Natukod ang Jesuit House niadtong 1730.

Sulod sa maong heritage makita pa nimo ang ubang karaan gamit diha sa maong balay sama nalang sa furnitures.

Masuto nimo diha sa QR code usa ang kasaysayan sa maong edipisyo nga nahimong balay sa mga Jesuit sa mga milabay nga katuigan nahimo pa kining male bar dayon warehouse sa tag-iya nga mao nay midumala karon.

Sa gamay nga cafe sa maong museum makita nimo ang replika kon unsa ang nawong sa Colon Street kaniadto.

Cathedral Museum of Cebu

Ang Cathedral Museum of Cebu, naghulagway sa usa ka bahay-na-bato kaniadto og nahiluna tupad sa Cebu Metropolitan Cathedral.

Ang maong museum usa ka relihiyosong museum sa Archdiocese of Cebu nga nagpakita sa mga relihiyosong rebolto gikan sa maong rehiyon.

Makita sab sa maong museum ang mga klase klaseng hulma sa mga rebolto ni Jesus og uban pang mga santos.

Anaa sab sa maong museum ang ubang mga gamit ni anhing Archbishop Cardinal Vidal.

Sa mga gustong mosuroy mangangha mo sa mga makasaysayanong panghitabo sa Sugbo pinaagi sa pagduaw sa maong landmarks nga una ko nang nahisgutan.

Sa maong paagi inyong ma-appreciatae ang kinabuhi o panghitabo kaniadto diin sa libro o online nalang nato masayran.

Sa nagkaduol nga kasaulogan sa ika-500 nga pagsulod sa Kristiyanismo kon Quincentennial sa atong nasud usa kini nga epektibo nga paagi aron lili-on ta ang kagahapon.

Bisita na sa maong lugar ug suwayi sa pag-scan ang mga QR Code aron mas masabtan kung unsa kabililhon ang kasyasayan sa Sugbo.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph