GITUOHANG may kalambigitan sa pagpamaligya og illegal nga drugas ang pagpusil patay sa usa ka tawo sa may Orchids st., Sityo San Roque, Barangay Capitol Site, Siyudad sa Sugbo mga pasado naa alas 11 sa Miyerkules sa gabii, Marso 12, 2020.
Si Police Staff Sergeant Rachel Abellanosa sa Abellana Police Station Station, nga nahinabi sa Superbalita Cebu nga ang pagkalambigit sa drugas maoy ilang gitutukan sa pagpatay kang John Michael Josol, alyas Satanas, hingkod, nagpuyo sa dapit.
Si Josol nagduwa sa computer sa sudlonon nga bahin sa balay.
Si Josol naigo sa ulo ug kalawasan nga niresulta sa iyang kamatayon.
Si Joan (di tinuod nga ngan), usa sa mga nakabantay sa buto, niingon nga unom ka mga buto ang iyang nadungga.
Sa iyang pagkanaug sa ubos, ubos didto na nakita ang nagbuy-od na nga lawas sa biktima.
Dugang ni Joan nga si Josol dugay nang gi-ban na sa pagduwa tungod sa ilang nadunggan nga nalambigit sa ilegal nga drugas.
Samtang si Konsehal Kelly Quijada sa Barangay Capitol Site niingon nga si Josol anaa sa listahan sa Barangay Anti Drug Abuse Council nga drug personality. (BBT)