SUPERBALITA CEBU

CCPO nagsubay sa drugas sa jail

HEPE sa Cebu City Police Office (CCPO) nakig alayon na sa Cebu City Jail human masuta sa sunod-sunod nga anti illegal drugs operation nga nagpadayon ang mga inmate sa ilang illegal nga negosyo sa gawas pinaagi sa pag-contact sa ilang mga tawo.

Human masuta nga halos sa tanang dakop sa anti drug operation sa CCPO, diin moabot na ngadto sa kapin sa P100 million balor sa illegal nga drugas ang nagpadagan, naa ra sa sulod sa bilanggoan, nakig-alayon na sila sa Bureau of Jail Management and Penology (BJMP).

Ang Waterfront Police Station niadtong Lunes sa hapon, Marso 9, nakasakmit og P7.1 million nga balor sa drugas gikan sa duha ka mga dinakpan sa Villagonzalo 1, Barangay Tejero sa siyudad sa Sugbo ug sa imbestigasyon, gikan sa sulod sa bilanggoan ang ilang contact.

Matod ni Police Colonel Engelbert Soriano, officer-in-charge sa kapulisan sa Dakbayan sa Sugbo, aduna na silay komonikasyon kang Jail Superintendent Julius Arro, jail warden sa Cebu City Jail.

Gihatag na ang mga impormasyon labot sa kalambigitan sa mga inmate sa illegal nga drugas sa gawas.

Timailhan nga padayon ang contact sa mga inmate sa sulod mao ang daghang cellular phones nga nasakmit atol sa greyhound operation niadtong milabayng semana nga gipangulohan ni Police Brigadier General Albert Ignatius Ferro.

Apan giangkon ni Soriano nga lisud subayon kinsa ang mga personalidad nga nalambigit sa illegal nga drugas, ilabi na nga ang mga nangadakpan wa masayod kinsa ang nag supply sa illegal nga drugas gawas sa ilang kontak sa sulod sa bilanggoan.

“Highly compartmentalized sila eh. Pwedeng dumaan sa apat na tao. Ito yung final courier. Ako ang magbibigay ng instruction sa iyo. Di ako makikita, mag bibigay ito ng instruction sa isa di rin nagkakakitaan. Ang magkikita na lang itong magdadala sa drugs at ang final na destination ng item kase siya ang mag da-drop sa kanya. Di rin sila magkakilala,” matod ni Soriano.

Way drug-cleared

Nunot sa kadaghan pa nga nakuhang illegal nga drugas sa tibuok Dakbayan sa Sugbo wa pay bisan usa sa 80 ka barangay ang madeklarar nga drug-cleared.

Bisan sa bukirang barangay, adunay presensya sa illegal nga drugas sama sa marijuana diin naibot sa mga operatiba sa City Mobile Force Company sa milabayng mga semana.

“I’d rather go for yung honest to goodness na drug report kaysa sa iki-clear natin. Di naman makakatotohanan. Pero anytime na mayron tayong ma find out na wala na talagang nag exist na drugas, walang transaction, walang huli, walang tanim na kahit isang marijuana plant, we can move for barangay drug clearing doon sa area,” matod ni Soriano.

Mando niya sa iyang mga sakop nga kinahanglan nga way bisan usa ka personnel sa CCPO nga nakabenepisyo sa illegal nga drugas.

Nagduda si Soriano nga dunay nagpaluyo nganong padayon ang problema sa illegal nga drugas sa siyudad sa Sugbo.

“Alam mo kung walang nag po-protect dyan, matatakot din yan sila sa area. Eh alanganin, wala tayong kakampi dito,” dugang ni Soriano.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!