Lokal Kasikas: ‘Role model’

(Hulagway Bouchard Photography/Manny Gaczskima)
(Hulagway Bouchard Photography/Manny Gaczskima)

“BEAUTY for me is subjective. It can be defined in so many ways. Beauty is not just about our physical apperance, but it is the character within that makes a person beautiful,” kini ang pahayag ni Heart Jastine Ocana Celo, gikoronahang labing una nga The Millionaires Top Model sa Success Formula International, sa kompetisyon nga gihimo sa NCCC Mall Buhangin sa nakalabay nga bulan.

Nahimugso, Pebrero 16, ang 15-anyos nga si Heart molupyo sa Cabantian Buhangin ning siyudad.

Siya Grade 9 sa Davao City National High School (Special Program for Sports (SPS).

Sa pakighinabi kaniya sa Superbalita, giingong sa edad nga 4-anyos, nagsugod na siya sa pag-apil og mga kompetisyon.

“I started joining pageants at the age of 4 years old when I joined Munting Mutya ng Dabaw 2009 and was able to qualify for the Top15 slots,” ni Heart nga may big heart sa Dancesports.

Ug tungod sa maong interes sa beauty pageant, giidolo niya sila Miss Universe Pia Wurtzbach ug Catriona Gray.

“And soon, I want to be like them, representing our country,” suma niya.

Sama sa ubang batan-on, hilig ni Heart ang magpictorial ug selfies, labaw na ang pagrampa sa mga fashionistang outfit sa iyang mix and match nga ideya.

“I like to chika with my mama most of the time. She is my chikabuddy.

I would love to go to beaches but seldomly have time because of my trainings, schoolwork and other commitments,” dugang niya.

Human midaug sa The Millionaires Top Model, plano karon ni Heart nga moapil pa sa mas dagkong kompetisyon.

Niya, buot niyang suwayan ang Mutya ng Dabaw ug Bb. Pilipinas.

Apan di kini ang unang higayon nga mirampa ang kaanyag ni Heart, ang dalaga miangkon sa MsTeen Philippnes 2019 diin siya ang representante sa Davao City.

Sa pikas bahin, luyo sa titulong unang Millionaires Top Model, nakuha sab niya ang mga awards nga Best SFI High Fashion Editorial Photoshoot, Best SFI Attire, Best Casual Attire ug Best Formal Wear.

Alang ni Heart ang pagka-beauty queen, nagtangag sa responsibilidad dili lamang sa pag-modelo, pagpa-anyag, apan, “Titleholders should also be a role model by showing everyone how to be responsible and knows how to balance their time with family, studies and social responsibilities.”

Dugang pa niya, “I am planning to join Mutya ng Buhangin and Mutya ng Dabaw soon. At present, I am still trying to improve my skills and building my confidence. When the right time comes, I will try my best to make my family and the Davaoeños proud,” panapos niya.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph