ANG Mandaue City Legal Enforcement Unit (MCLEU) ninghawan og 775 ka illegal parking ug 79 ka sidewalk vendors atol sa ilang barangay road clearing operation gikan sa Pebrero 12, 2020 hangtod sa Marso 12, 2020.
Si Edwin Anthony Jumao-as, hepe sa MCLEU, niingon nga sa 970 illegal parking vehicle nga ilang nahawa, ang 775 nakababag. “This is the most problematic area in our barangay road clearing operation because car owners are still looking for parking areas,” sulti ni Jumao-as.
Sa ilang inventory, si Jumao-as niingon nga dunay 151 ka sidewalk vendors sa tanang 27 ka barangays ug nakahawan sila og 79.
Matod ni Jumao-as nga ang napapahawa nilang sidewalks vendors mao kadtong pwede rang mabalhin ang butanganan.
Ang nahabilin nakalapas ug kinahanglan nga dunay igong higayon.
“According to our data and based on the requirements of the barangay, we are still 65 percent clear from obstructions,” dugang ni Jumao-as.
Si Ernesto Bongo, chief of operations sa MCLEU, niingon nga duna pay mga barangay nga naglisod sa pagpatuman sa clearing operation.
“We had a consultative meetings with the barangays who asked for our assistance,” matod Bongo.
Bisan kon ang MCLEU naka-focus sa clearing sa barangay roads, si Jumao-as niseguro nga sila nagpadayon sa ilang pag-monitor ug paghawan sa national ug city roads.
Giklaro usab ni Jumao-as nga ang Mandaue City Council dunay generalized permit alang sa mga barangay nga dunay mga kalihukan sa fiesta ug mga bilar sa dan.
Matod niya nga mahimo silang makagamit sa usa ka lane sa karsada o sidewalk sud sa siyam ka mga adlaw. /