TANANG duwa sa Davao City Prisaa Meet 2020 ang gi postponed samtang laing duha ka basketball events gisuspenso ang ilang programa lukop nasud tungod sa state of public health emergency nga unang gideklara, gisaka sa Code Red Sublevel 2 status sa nasud tungod sab sa Covid-19 pandemic.
Si Lourdes Mission, secretary sa Davao City Private Schools Athletic Association (Prisaa) president Ma. Lita Montalban, nagsulti niini sa SunStar Davao nga ang nabiling duwa sa city eliminations sa Davao Regional Prisaa Meet ang suspendido.
Niya mobalik ang duwa kung mahimo ng stable ang Covid-19, ug ang prohibisyon labot tapuk-tapuk ang wagtangon na sa siyudad ug national government.
Samtang mga organizers sa Gaisano Grand Cup Season 17, ang longest-running youth cagefest sa Mindanao misuspenso sab sa ilang duwa.
Sa GG Cup Season 17 Facebook page, ang GG Cup Board of Commissioners nagpost, “The resumption of GG Cup Season 17 will soon be determined by first week of April 2020.”
Si Gaisano Grand Citimall store operations manager Maria Luz Seit, nagsulti, “The safety and welfare of our athletes against Covid-19 is our main priority.”
Samtang si Samahang Basketbol ng Pilipinas (SBP)- Northern Mindanao operations head Ronel Leuterio nagpost, Marso 12 sa memorandum ni SBP director of operations Butch Antonio ngadto sa tanang regional directors, apil na SBP Davao region director Glenn Escandor.
Si Antonio nagsulti nga ang SBP Referees Academy Clinics 2020 “have been deferred indefinitely.”
Dugang niya, “Be guided that once this health concern improves and the respective government agencies give their clearance, we will review all options and see if we can continue our program for this year.”