OPISYAL na nga Mrs. Sarah Lahbati-Gutierrez sa dihang gipadayon ang naunang plano sa celebrity couple nga makasal niadtong Sabado, Marso 14, taliwala sa hulga sa coronavirus outbreak.
Gikatakda unta nga usa ka engrande ang maong okasyon nga tambungan sa tulo ka presidente sa nasod naglangkob nila ni Presidente Rodrigo Duterte, Gloria Macapagal-Arroyo ug Joseph Ejercito Estrada, taho sa PEP.ph.
Gihimo lang unang private ang maong kalihokan, gumikan sa nagkagrabeng sitwasyon may labot sa COVID-19 ilabi na nga gipaubos ang nasod sa Code Red Sublevel 2.
Sa Instagram post ni Sarah sa ilang wedding photos natala:
“i have you.
“and it’s enough.
“it’s everything.
“The gathering to celebrate with our loved ones will have to wait because we care more about everyone’s safety and health.”
Ang magtiayon aduna nay duha ka mga anak nga sila si Zion ug Kai. (B)