GIBARUGAN ni Japanese Prime Minister Shinzo Abe nga mahinayon gyud sa gitakdang petsa sa Hulyo 2020 ang Tokyo Olympics taliwala sa hulga sa coronavirus disease (Covid-19).
Suma kang Abe, anaa sa kamot sa International Olympic Committee (IOC) ang pinal nga desisyon kung ipadayon ang Summer Games o dili.
"We will overcome the spread of the infection and host the Olympics without problem, as planned," ni Abe.
Gidugang sab ni Tokyo governor Yuriko Koike, nga magpatuman sila og hugot nga lakang kontra coronavirus outbreak.
Padayon ra sab ang preparasyon alang sa luwas nga pagpahigayon sa sporting event.
Nauna ng gisulti sa mga organizers nga anaa sa 1.35 trillion yen ang gastuhon sa Tokyo Games nga magbukas sa Hulyo 24. (SunStar Davao)