SUPERBALITA DAVAO

2 ka atleta gikan Jordan nag-self quarantine

SI WORLD Youth and Junior Sambo Championships 2019 bronze medalist Sydney Sy Tancontian nakabalik na sa Davao City, samtang ang national boxing team coaches ug boxers, lakip na Aiba Women’s World Boxing Championships 2019 gold medalist Nesthy Alcayde Petecio, kasamtangang mipailawom sa tagsa tagsa nila ka self-quarantine human mitigi sa nagpadayong Asian ug Oceanian Olympic Boxing Qualifying sa Amman, Jordan.

Si Tancontian, 20 anyos, nga bag-uhay lang giila nga rookie of the year human midaug sa women’s judo gold medal sa University Athletic Association of the Philippines (UAAP), nagsulti nga bag-uhay ra siya miabot sakto lang sa lockdown nga gipatuman sa Metro Manila, Dominggo, Marso 15.

Ang Manila-based multi-athlete nagdugang nga ang torneyo nga iya untang apilan nakanselar tungod sa coronavirus disease (Covid-19) pandemic, mao nga nakadesisyon siyang mouli ug makauban ang pamilya.

“Canceled po ang tournaments, off-season din po ako for the whole March po. Nag-disinfect po ako when I arrived,” suma sa 30th Southeast Asian (SEA) Games women’s kurash bronze medalist sa pakighinabi sa SunStar Davao.

Samtang si national boxing coach Roel Velasco, sa laing pakighinabi, nagsulti nga nag-self quarantine sila sukad miabot sa nasud, Marso 13.

Duha ka Pinoy, Eumir Felix Marcial ug Irish Magno nauna ng miangkon og pwesto alang Tokyo 2020 Olympics.

“Self-training na muna sila (athletes) habang naka self-quarantine.”

Si Petecio, nga kasamtangang anaa sa Baguio City uban ang laing pang mga national boxers, nagdugangm “Naka self-quarantine ko run Ma’am.”

Dugang pa niya, “Dapat mag-uli unta ko pero gi-lockdown naman pud ang Davao kaya wala na lang.”


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph