NINGHATAG og 50,000 test kits sila si Senator Manny Pacquiao ug Chinese billionaire Jack Ma sa Pilipinas alang sa padayon niining pagpakigbatok sa coronavirus disease (Covid-19).
“We’re excited to announce the Jack Ma Foundation, in partnership with Pacquiao Foundation is pledging 50,000 test kits to combat COVID-19 in the Philippines,” mensahe ni Pacquiao sa iyang Instagram post nga napatik sa www.philboxing.com.
“With everything that’s happening around the world today, there is no better time to unite and do whatever we can to help each other.”
Sa sayo pa, ang Department of Health (DOH) nagkanayon nga aduna lang kini 2,000 test kits.
Ang mga gipanghimo sa University of the Philippines medical experts nagkinahanglan pa’ng susihon og insakto.
Niadtong Lunes, niabot ang unang tapok sa 2,000 test kits nga gi-donate sa Chinese Embassy sa Pilipinas ug China Mammoth Foundation.
Sa kasamtangan, ang Pilipinas adunay natali nga walo ka mga ningpanaw ug 140 ka kompirmadong mga kaso sa Covid-19. Duha ka mga tawo ang hingpit na nga naalim gikan ning maong sakit.
Sa tibuok kalibutan, aduna na’y 6,500 ka mga tawo ang ningpanaw ug adunay 180,000 ka mga natakdan. (ESL)