General community quarantine sa Bukidnon

UBOS karon sa general community quarantine ang probinsya sa Bukidnon gumikan sa pipila ka presensya sa patients under investigation (PUI) ug persons under monitoring (PUM).

Kini ang gipagawas nga Executive Order 13 ni Bukidnon Governor Jose Ma. Zubiri human ang Department of Health nitala nga ang Bukidnon dunay upat ka PUIs ug gipaabot pa ang resulta kung naa bay positibo sa coronavirus disease (Covid-19).

Sa maong kamandoan, gidid-an ang katawhan nga magsige og lakaw-lakaw sa mga pampublikong lugar ug giabisohan nga magpuyo sa tagsatagsa ka mga panimalay ug limitado lang ang mga lihok.

Ang kapulisan ug mga health officer gikinahanglan nga anaa sa mga border points nakabantay sa mga mogawas ug sulod sa lalawigan.

Tanan nga mga mobisita sa lugar gikinahanglan nga magpakita og valid ID, ug motubag sa mga pangutana atol sa checkpoint.

Tanan nga mga business establishment ang kinahanglan nga bukas gawas lamang sa mga swimming pools, resorts, bars, movie houses, internet cafes, billiard houses, tari-tari ug uban entertainment sites.

Samtang skeletal workforce ipatuman sa mga local government unit sa kalungsoran samtang suspendido ang tanan klase.

Gidili usab ang pagpataas sa presyo ug hoarding sa mga nag-unang palaliton sa lugar ug ang makasupak ning maong kamandoan ang pahamtangan og silot.

Gihimo kini sa gobernador aron pagprotektar sa taga Bukidnon.

Kahinumduman ang anak niining si Senator Juan Miguel Zubiri ang nikumpirmar nga positibo sa Covid 19 apan nanigkamot ug nakigbatok ning maong sakit karon panahona.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph