NAPULO ka mga babaye nga nag trabaho sa usa ka massage spa nga nahimutang sa Banilad road, Barangay Kasambagan, Siyudad sa Sugbo na rescue sa mga sakop sa Women and Children Protection Center alas 3:50 Miyerkules sa hapon Marso 18.
Nasikop usab ang manager sa Flora spa nga si Emelita Orang, 31, taga barangay Busay, Siyudad sa Sugbo ug ang tag-iya nga usa ka Korean national nga si Kim Jong Pyo 44, alyas James.
Matod ni Police Lieutenant Erlinda Mayam, hepe sa WCPC sa Cebu City Police Office, usa ka buwan na ang nakalabay, adunay concern citizen nipahibawo kanila nga ang spa motanyag og lawasnon nga kalipay sa ilang customer gawas sa pag masahe.
Inig sulod sa kwarto sa mag pamasahe, motanyag, matod pa, ang masahista nga mahimo sila nga mo-sex service.
Adunay bayad ang matag extra service nga mokantidad gikan sa P1500 ngadto sa P10,000.
Ang mga na rescue nagpangidaron pag 25 samtang ang labing hamtong 53 anyos.
Gipasabot ni Mayam nga aduna siyay tawo nga gipasulod sa spa nga magpatuo nga customer.
Sa dihang mi tanyag na ang masahista dinhi na dayon gihimo ang entrapment operation.
Kalapasan sa Republic Act 9208 in relation to RA 10364 also known as the Expanded Anti-Trafficking in Persons Act.
Samtang ang na recue nga mga babaye kasamtangan nga iturn-over sa Department of Social Welfare and Development alang sa himuon nga social intervention. (AYB)