ANG Philippine Drug Enforcement Agency (PDEA) nanawagan sa sa katawhan nga isumbong sa ilang buhatan ug dili botohan ang mga politiko nga gidudahan nga dunay koneksiyon sa sindikato sa droga dinhi sa rehiyon onse.
"Kung may information sila dapat ipaalam nila sa amin. At kung sa palagay nila na may involvement ang isang politician sa illegal drug syndicate, huwag na nilang iboto," ni PDEA 11 regional director Police Superintendent Roybel Sanchez kagahapon sa Superbalita.
Ang pahayag sa maong opisyal miguwa human nabalita nga dunay sindikato sa droga nga mohatag og pundo sa mga politiko nga mopapili karong eleksiyon.
"Mahirap yan kung ang nahalal ay isang politician na may involvement sa drug syndicate. Ang mangyari niyan kung sila ay naupo sa pwesto maging drug protector, coddler or drug trafficker sila," pahayag ni Sanchez.
Si Sanchez unang nagpahibalo nga dunay duha ka mga politiko sa rehiyon nga ilang gipanid-an sanglit gidudahan nga dunay kalambigitan sa sindikato sa gidili nga droga.
"Totoong may dalawang politicians sa probinsiya na under surveillance pero nahirapan kami kasi dapat naming makuha ang mga ebidensiya na makapagsabi na talagang involved sila," pasabot ni Sanchez.
Si Sanchez nagsulti nga duna silay nadawat nga mga report bahin sa mga politiko nga giingon nga nalambigit sa droga mao nga ilang gihimo ang makuting pagpaniid.
"May mga politiko kasi na nagsisiraan sa isat-isa kaya gamitin nila ang isyu sa droga para masira ang kanilang kalaban sa pulitika kaya nagsagawa kami ng malawakang imbestigasyon," pahayag ni Sanchez.
Si Sanchez midugang nga gikinahanglan nila ang tabang sa katawhan aron masikop ang mga tawo nga nalambigit sa droga.
"Hindi namin malutas ang problema kung walang participation ang mga tao," ni Sanchez kinsa midugang nga ang labing makatabang kanila mao ang mga opisyales sa barangay. (AD)