NAHULOG sa mga kamot sa otoridad ang usa ka babaye nga gikonsiderang top leader sa Northern Mindanao Communist Terrorist Group (CTG) nga gilangkoban sa Communist Party of the Philippines-National Democratic Front-New People's Army (CPP-NDF-NPA).
Nadakpan niadtong Marso 15, 2020 sa alas 9:30 sa buntag sa San Miguel, Lala, Lanao del Norte sa hiniusang operasyon sa kapulisan ug kasundalohan si Teresita Lapuz Naul alyas Tessie/Bessy, ang secretary sa Karapatan-NMR, secretary sa Regional White Area Committee (RWAC), Northern Central Mindanao Regional Committee (NCMRC), ug finance officer sa Regional Urban Committee (RUC)-NCMRC.
Kini nag-atubang og daghan nga kasong destructive arson nga aduna Criminal Case 6524, kidnapping ug serious illegal detention nga dunay Criminal Case 6525, ug kidnapping ug serious illegal detention nga dunay Criminal Case 6527 kon diin tulo ka kaso ang walay bail bond.
Alas 8:30 sa buntag, gisuwayan og silbi ang warrant niini apan nisulay kini og sibat himungdan mga alas 9:30 nakita kining nagtagotago sa palayan.
Si Police Lieutenant Colonel Mardy Hortillosa, tigpamaba sa Police Regional Office-Northern Mindanao, niingon nga kining naaresto ang usa sa utok sa pagpangatake ug pagpapanunog sa patrol base ug pagdagit sa 13 CAA personnel sa New Tubigon, Sibagat, Agusan Del Sur niadtong December 2018.
"I would like to congratulate the operating PNP-AFP units for their relentless joint efforts in supporting RTF X Elcac in the campaign of the government against insurgency. PRO-10 will continuously commit its resources to support the government under the umbrella of RTF X-Elcac to achieve the lasting peace and development of the region," pahayag ni Police Brigadier General Rolando Anduyan.