Mga misa gihunong, panaad sites sirado

NAGPAGAWAS og kamandoan si Archbishop Antonio Ledesma nga sugod kagahapong adlawa, wala usay mahitabo nga santos nga misa nga cover sa Archdiocese sa Cagayan de Oro.

Sa opisyal nga pahayag nga gipaabot niini iyang gipahibalo nga sugod Marso 17, 2020 hangtod April 15, 2020, wala usay ipahigayon nga mga misa sa area sa Cagayan de Oro, Misamis Oriental ug probinsya sa Camiguin.

Gipahibalo lamang nga adunay mga exposition sa Blessed Sacrament sa uban simbahan.

Giabisohan ang katawhan nga samtang nagpuyo sa ilang tagsa tagsa ka panimalay magpahigayon og Holy Rosary uban ang pamilya.

Ang mga kaparian mahimong magpaubos og spiritual communion pinaagi sa radyo og TV.

Gumikan ning maong kamandoan pipila sa mga Panaad sites labina padangaton ang pag obserbar sa Holyweek nga isirado kini ug lakip na sa kumpirmadong sirado ang Sipaka Heights sa lungsod sa Talisayan, ug Hinuklog sa lungsod sa Medina.