GIPAABOT ni Bukidnon Governor Jose Maria Zubiri Jr. nga nagpaubos siya karon og self-quarantine. Kini human nagpositibo sa coronavirus disease (Covid-19) ang iyang anak nga si Senator Juan Miguel Zubiri.
Matud niini nga sugod sa Marso 17 iyang kwarantinas ug molangtod ngadto 14 ka adlaw.
Nihangyo kini ug pagsabot og kooperasyon human una na gideklarar niini ang general community quarantine sa tibouk probinsya sa Bukidnon.
Samtang gikumpirmar sab ni Bukidnon Provincial Health Officer Dr. Ricardo Reyes nga boluntaryong nag self-quarantine sab ang 18 ka mga mayores human kini sila nakauban ni Senator Zubiri sa usa ka panagtigom niaging mga adlaw sa wala pa nagpositibo ang senador.
Molangtod gihapon sa 14 diyas ang ilang kwarantinas.