95th NCAA kanselado

GUMIKAN sa coronavirus, dili na mopahigayon ang National Collegiate Athletic Association (NCAA) sa ilang ika-95 nga season.

Kini maoy gipahibawo sa association kagahapon, Huwebes Marso 19, 2020.

Si Francisco Cayco sa Arellano University nga mao unta ang mo-host karong tuiga, mibutyag nga kini maoy nakab-ot nga desisyon sa Policy Board members atol sa ilang teleconference.

“First and foremost that was considered was the safety of the athletes, students, fans and officials,” pasabot ni Cayco.

Kini maoy unang higayon nga ang NCAA wa makapahigayon og kompetisyon sa usa ka season sukad niadtong 1962.

Ang mga events nga malakip usab pagkanselar mao ang volleyball, football, lawn tennis, soft tennis, track and field, under-15 basketball ug beach volleyball.

Wala na usay cheerdance competition.

Ang counterpart niini nga ang University Athletic Association of the Philippines (UAAP), sa niaging buwan, mi-postponed na usab sa tanana nilang duwa tungod sa coronavirus.

Way katinuan kon kanus-ang petsaha ibalik ang mga duwa.

“The University Athletic Association of the Philippines upholds, in the highest regard, the well- being, health and safety of the League’s community- players, coaches, students, their families and fans in general,” matod sa pamahayag sa UAAP pinirmahan sa board ug ni UAAP President Emmanuel Fernandez ug Executive Director Rene Saguisag, Jr. (JBM)