BISAN pa man og posibling mapakgang sa Covid-19 ang iyang tinguha nga maka-qualify sa 2020 Tokyo Olympic, apan sa gihapon, padayon ang subsub nga preparasyon ug ensayo ni Hidilyn Diaz.
Pinaagi sa social media, ang 2016 Rio silver medalist miingon nga wala gyud siya mabalda ug wa usab siya mabalaka sa dihang dili siya makasalmot sa qualifying event nga ipahigayon didto sa Cali, Colombia tungod sa krisis nga mitumaw karon sa tibuok kalibutan.
Niini, namilegro nga mawad-an na siya og kahigayonan nga makakuha og luna alang sa Tokyo Olympics.
“There are things we can’t control and we can’t do anything. The effects of COVID-19 are something unimaginable,” matod ni Diaz sa iyang Instagram account @hidilyndiaz. “Most of my Olympic qualification events are postponed or cancelled (due to) travel ban, city lockdown and country lockdown. Panic, fears and frustration control us right now.
Gipadayag ni Diaz nga isip usa ka atleta nga dili gyud angay mohunong kon mapakyas og kausa o kaduha ka higayon.
Ang importante, ingon niya, nga ikapakita ug ibuga gyud ang tanan aron dili magbasol sa katapusang.
“The most important thing is we do our best and at the end of the day we won’t regret anything. I will remain focused and determined to improve every single day,” panapos ni Diaz kinsa usa na lang ka kompetisyon ang gikinahanglan aron makasulod sa Olympics.
Bisa tuod og ikaupat siya sa rankings, apan sa kuwentada mosaka siya sa no. 2 tungod kay ang nag-unang tulo pulos man mga Chinese national unya usa ra man ang morepresenta sa kada kategoriya sa matag nasod. (JBM)