Dear Noy Kulas,

Maayong adlaw diha, Noy! Ganahan lang unta ko nga makudungog sa imong point of view ning akong sitwasyon. Naa koy best friend, Noy. Sukad pa mi pag hi school amigo. Kauban mi sa varsity, so, pirmi mi kuyog. Sa tanang laag, tagay, pang chicks, kuyog mi niya. Kaila na na iyang pamilya sa akoa and vice versa.

Kahibaw kos tanan niyang nauyab (hitsuraan man ni siya), ug tanan niya nga kabuang adto nila. Kahibawo pud na siya sa tanan nakong kabuang. Amigo kaayo mi, Noy. Ang problema lang, Noy, kay di ang chicks akong gusto, kundi siya.

Click here for Election 2010 updates

Lapas na 10 years ko nahigugma niya, Noy. Bisan tipunon tanan nakong gugma sa akong mga na-girlfriend, di ra makakumingking sa akong love niya. Apan dili ko kasulti niya kay kahibawo na ta, dili man ni accepted ug dili ni “normal”. Wa ko sad ni gigusto nga ingon ani ko.

Tua siya karon sa gawas gatrabaho, Noy. Sa wa pa siya molarga last year, gasakit akong dughan og maayo. I wanted to tell him pero wa gyud nako nakaya. Mouli siya this year, Noy. Ug maorag this year or next year, magminyo na sila sa iyang uyab. Gusto man sad ko magminyo ug magka anak Noy. So, kon mosulti ko niya, wala ra gihapo’y padulngan.

Mosulti ba kaha ko niya, Noy, or dili nalang? Akong problema kay pwerte gyud sakita sa akong dughan. Ang thought nga ang tawo nga pinaka love nako wala kahibawo unsa nako siya ka love kay sakit kaayo nga murag gigisi akong kasingkasing. Daw bayot paminawon, pero mao na ang tinuod nakong gibati.

Unsa man imong tan-aw ani akong sitwasyon, Noy? Unsa kahay maayong buhaton?

Salamat sa pagbasa Noy ug more power sa imong column.

FRANK

Frank,

Maayong adlaw diha nimo. Hinaot unta nga makuha kuhaan nang imong gibating kasakit karon. Luoy baya nang ingon niana. Pareho ra gud na sa lalake nga nahigugma og maayo sa iyang amiga apan nahadlok lang siya moingon kay basin di siya sugton ug masuko kaniya ang iyang amiga. Mopalayo na hinuon niya. But, what if ganahan diay ang amiga kay the same ang ilang gibati? Anugon sab, di ba?

But wa ko moingon nga ingon ana sab ang feeling sa imong amigo kanimo. You know na sa reaction niya kon masayod siya nga duna kay gugma niya nga lahi sa unsay gitawag natong normal. Gitawag man gud nato nag normal or abnormal kay di man siya maoy norm sa atong katilingban.

Mas daghan ang risgo nga imong atubangon. Di kaha siya maglikay na unya nimo kay lainan siyang makigkuyog nimo? I mean maorag mas gil-as paminawon nga ang ganahan nimo mao ang imong suod nga higala nga the same mog sex. Di sab kaha siya manabi hinuon unya nga lain kag sexual preference.

Gawas pa, gusto ka man nga makabaton og pamilya. Busa, unsa pa man say punto nga ipagawas mo kini? Basin ma overcome ra na nimo ang imong bisexuality kon duna kay pamilya unya. Di pa maguba ang inyong panag-amigo sa imong bestfriend. Which is very likely kon male kaayo ang imong amigo.

NOY KULAS

(kulassuper@sunstar.com.ph)