MIPAHIGAYON og disinfection operation ang Covid-19 Task Force sa dakbayan sa Talisay sa terminal sa mga traysikol nga nahimutang sa Barangay Tabunok.
Si Talisay City Mayor Gerald Anthony “SamSam” Gullas Jr. mimando sa task force sa pagpahigayon og misting ug disinfection operation sa tanang traysikol sa Tabunok Market ug sa sulod sa merkado.
Pasado alas 11 kaganihang sa buntag, Marso 20, gisugdan sa duha ka grupo ang maong operasyon diin nahuman sila pasado alas dos sa hapon.
Nasayran nga adunay lima ka disinfection machine nga gigamit aron hingpit nga malimpyohan ang matag traysikol nga nag-parking sa terminal.
Ugma, Marso 21, gikatakda sab nga mopahigayon og disinfection sa tibuok lawak sa Talisay City Hall samtang isunod sab ang lukop Public Market atol sa curfew time.
Muabot sa 300 ka mga traysikol ang napaubos sa disinfection sa Covid-19 Task Force. (PR)
