SUPERBALITA CEBU

Albor: Trahedya sa kalibotan

Sandiganan

SA PANUKI-DUKI nahisulat na sa libro sa mga manalagna o propeta ang mga dagkong trahedya sa kalibotan. Nag-una ang panagna ni Michael de Nostredame nga naila nga Nostradamus sama sa French Revolution sa 1789, bombing sa Heroshima sa Japan sa 1945, Apollo Moon Landing sa 1969, Space Shuttle Challenger accident sa 1986, kamatayon ni Princess Diana sa 1997, terrorist attack sa Sept. 11, 2011, uban pa ilabina sa mga gubat sa kalibotan.

Dunay wala matagnai o wala magnuod sama sa kalibotanong kagutom nga iyang natataw sa 2008. Ang panagna namantala sa 942 ka mga libro ni Nostradamus nga napublikar sa tuig 1555 ubos sa ulohan “Centuries”nga gihulad sa lain-laing translasyon. Si Nostradamus usa ka doktor, magsusulat ug propeta. Siya sab ang tinubdan sa mga napatik sa Almanaki. Natawo sa France sa Dis. 14, 1503 ug namatay sa Hulyo 2, 1566. Nagpabiling bantogan sulod sa kapin sa 400 ka tuig human sa iyang pagtaliwan. Labing kuyaw ang libod-suroy nga panagna nga sa ikatulong gubat magunaw ang kalibotan, mag-ulan og kalayo ug mga bomba makahilo.

Laing gitugahan sa abilidad sa pagtagna mao si Dean Koontz sa iyang sinulat nga libro “The Eyes of Darkness” sa 1981. Naghisgot sa Chinese Military Laboratory nga nagmugna og virus isip bioweapons nga gitawag og Wuhan-400. Nasubo ang inahan nga si Cristina Evanz nga maoy namatyan sa iyang anak nga si Danny gikan nga nagkamping.

Chinese scientist Li-Chen mibalhin sa US nga nagdala og mga datus bahin sa China’s dangerous new biological weapon Wuhan-400. Gituyo paghimo aron pagpukan sa mga kaaway ug molampos pag-ilog sa angkonong teritoryo. Mosubol ang pangutana nga ang Covid-19 nga mitabok sa kanasoran dili ba kaha mga kagaw nga nakalayas gikan sa Wuhan Virology Laboratory?

Sa libro nga “End of Predictions” sa American author nga si Sylvia Browne sa 2008 naghisgot sa outbreak sa respiratory illness nga makapaukay sa kalibotan. Gitagna nga sa tuig 2020 ang severe pneumonia mokatap sa kanasoran ug mobalik sa tuig 2030. Tataw nga mao ang Covid-19 gikan sa Wuhan, Hubei, China. Marso 9, 2020 gipaubos ang nasod sa State of Public Health Emergency aron mapugngan ang pagsulbong sa maong balatian.

Misaka ang kalibotananong kabalaka. Mitabok sa kapin sa 100 ka nasod, kapin sa 100,000 nagpositibo ug kapin sa 4,000 ang namatay. Wala pay tambal nga nakaplagan. Pahimangno nga dili malisang, panglimpyo ug tukmang pagkaon. Hinoon ang pag-ampo maoy labing hait ug lig-on nga hinigiban. Walay makalumpag sa gahom sa kahitas-an. (csa_1156@yahoo.com/09064648954)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph