JMC gikawras sa Wildcats

DAVAO. Ang Davao Region women’s volleyball team nga midaug og bulawan sa National Prisaa Games 2019 nga gihimo sa University of Mindanao Matina Gym, Davao City. Marianne L. Saberon-Abalayan
DAVAO. Ang Davao Region women’s volleyball team nga midaug og bulawan sa National Prisaa Games 2019 nga gihimo sa University of Mindanao Matina Gym, Davao City. Marianne L. Saberon-Abalayan

PIPILA ka adlaw una gipatuman ang state of public health emergency sa nasud, ang defending champion University of Mindanao (UM) Lady Wildcats midepensa sa ilang korona sa pagtapod sa Davao City Prisaa Meet 2020 women’s volleyball competition sa UM Matina Gym ning bag-o lang.

Ang Joaquin “Boy” Sarabia-coached Lady Wildcats nakarekober sa unang pildi kontra Jose Maria College (JMC), 23-25, 25-10, 25-14, 25-18 sa championship match.

Suma ni Sarabia, “Nakatsamba rami sa JMC kay kusog biya gyud sila kaayo.”

Gidayeg sab niya ang mga magduduwa nga naningkamot aron mapildi ang JMC.

“Daghan naman nangawala sa among team pero kusog gihapon ang mga bata maski duha nalang nabilin nga karaang og halos first year, second year og third year na ang among line-up.”

Ang Lady Wildcats squad gilangkuban nila Reajane Dampiganon, Jessa Erojo, Al Sheree Ann Eupena, Aella Mae Fernandez, Kaye Antonette Gabayan, Coline Theah Hebres, Angel Mae Jalon, Chelsea Rose Maglangit ug Princess Ann Soliano.

Apan tungod nakanselar ang regional Prisaa Meet 2019, si Sarabia nagsulti nga wa pay siguro og mopadayon ang tim sa sunod nga regional meet.

Si Sarabia, nga maoy executive director sa Davao City and Regional Prisaa, nagsulti nga ang Prisaa Board maghisgut pa sa isyu.

“Naningkamot man pud gud ang mga bata luoy sad og muusab napud ang city meet next year.”

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph