UPAT ka mga samples ang gipadala sa Department of Health (DOH)-Central Visayas sa Research Institute Tropical Medicine (RITM) alang sa pag kompirma kon nag positibo ba kini sa coronavirus disease (Covid-19).
Samtang ang 46 ka mga samples nga gi testingan sa bag-o lang niabot nga test kits, negatibo ang resulta.
Kini maoy gipahibaw ni Dr. Jaime Bernadas ang pangulo sa DOH-Central Visayas atol sa press conference sa Marso 21, 2020.
“Apan usa kakulian tungod bag-o pa, pirmero nga mga test naa gyuy questions nga dili klaro so gipdala nato sa RITM for confirmation”, matod ni Dr. Bernadas.
Sa padayon nga pag-abot sa mga overseas Filipino workers (OFWs) mipasalig si Gobernador Gwendolyn Garcia nga abagan sa lalawigan ang pag quarantine og pag pauli sa mga pasahero sa mg lungsod o probinsya niini.
“Ang uban nga niabot nga mga Filipinos nga padulong sa ilang mga kugalingon nga probinsya ug dili dayon makaadto, ato ni sila ibutang sa usa ka lugar, ipaubos sa quarantine hangtod ng atong mapahimutang ang passage nila pagawas sa Cebu unya ang probinsya sa Sugbo maoy mo tubag sa ilang galastohan”, matod ni Garcia.
Mo-padayon usab ang pagpatuman sa mga protocols sa mga paluparan pag check sa mga visa ug passports niini aron masuta ang travel history sa mga pasahero.
Tungod sa padayon nga pag supak sa mga drivers ug commuters sa strikto nga gimandonga social distancing, gihangyo ni Eduardo Montealto Jr. ang pangu sa Land Transportation Franchising and Regulatory Board (LTFRB)-Central Visayas sa pag kuha ug hulagway sa mga drivers, sa jeep ug sitwasyon sa pag sakay og i report kini sa buhatan.
Pahamtangan sa penalty nga moabot sa P5,000 ngadto na sa P30,000 ug kanselar sa prangkisa niini.
Gihangyo usab ni Victor Caindec, ang pangulo sa Land Transportation Office (LTO)-Central Visayas, nga mo subay ang mga motorista ilabi na ang mga pribado nga sakyanan pagpatuman sa social distancing kon dili dakpon usab kini sa sakop sa buhatan og sa kapulisan.
Aron nga wala na’y ika-rason ang mg tinun-an sa pag bisita sa internet cafe, gihangyo ni Garcia ang sakop sa Department of Education (DepEd) sa lalawigan nga hunongon na ang pagpahigayon ug online classes.
“Dili ni panahon nga mag outing-outing kay wala mo’y klase, kung mo gawas mo madakpan mo sa pulis. Aron wala’y mga studyante ng moadto sa internet café, I am directing to immediately stop this online classes”, matod ni Garcia.
Supportado usab sa duha ka mga Mayor sa Mandaue Jonas Cortes ug Lapu-Lapu Junard Chan ang mga lakang pagpatumn ug ms hugot nga measures batok sa Covid-19.
Matod ni Cortes nga gikinahnglan nga hiusahon nila ang ilang desisyon aron mlikayan ang kalibog.
“If we do ingress, egress, ma deplete ang funds nato if mag iyahay ta. Kinhanglan nato i-align ang decisions”, matod ni Cortes.
Mihangyo ang mga kadagkoan sa Sugbo ang pag ampo, supporta ug kooperasyon sa kamandoan nila alang sa pakigbatok sa Covid-19 sa Sugbo.