ANG Negros Oriental kanhi usa sa mga labing kabus nga lalawigan sa Pilipinas subay sa 2015 report gikan sa Philippine Statistics Authority (PSA) uban sa poverty incidence rate nga 38.7%.
Human sa tulo ka tuig, niubos pa ngadto sa 26%, diin sumala sa National Economic and Development Authority (NEDA)-7 Director Efren Carreon sa artikulo nga namantala niadtong Septiyembre 27, 2019 sa Philippine Information Agency, nagpakita nga ang pamilya nahaw-as sa kalisod, miarang-rang na ang kahimtan.
Nagpaabot sa kini nga positibo nga kausaban nagpakita gikan sa mga programa ug proyekto nga inisyatiba sa nagkalainlaing ahensiya sa kagamhanan ug non-government agencies nga natampo sa pag-ubos sa poverty incidence sa lalawigan, usa niini mao ang Department of Social Welfare and Development (DSWD).
Ang DSWD pinaagi sa iyang Sustainable Livelihood Program (SLP) hinungdan sa pagkatukod sa nagkalainalang SLP associations ug ang paghatag og puhonan sa ilang sugyot nga proposed livelihood projects.
Usa sa asosasyon nga giorgansiar sa BADC Candugay Pantawid Sustainable Livelihood Project Association sa Barangay Casalaan, Siaton, Negros Oriental.
Uban sa 57 ka mga babaye nga sakop, sila gitughotan og maximum amount nga P456,000 ug nagsugod sa ilang operasyon sa Hog Raising Production niadtong Hulyo 22, 2016.
Sa wala pa kini matuman, ang tanang sakop ningpaubos sa nagkalainlaing pagbansay nga gipasiugdahan sa partner stakeholders, sama sa Ayungon Trading, PILMICO, BMEG, Unifeeds, Municipal Agriculture Office, ug ang Community Driven Enterprise Development (CDED).
Gawas sa ilang livelihood activity, ang kahugpungan nihimo usab og vegetable farming gamit ang Natural Farming System. (PR)