BRUTAL ang kamatayon sa duha ka mga lider sa indigenous people (IP) sa tribung Manobo human giingong pwersahang gikuha sa ilang puloy-anan ug gipatay niadtong Huwebes, alas 7:00 sa gabii sa Marso 19, 2020 sa Sitio Inadan, Barangay Magroyong, San Miguel, Surigao del Sur.
Giila ang biktima nga mao sila si Hawudon Bernardino Astudillo, 73, Manobo, kasamtangan nga tribal chieftain sa Barangay Magroyong ug usa ka Zaldy Ibanez, 52, Manobo, residente sa susamang dapit.
Ang mga biktima giingong pugsanon nga gikuha gikan sa ilang tagsa-tagsa ka puloy-anan ug gidala sa kasagbutan ug didto giayo ug dunggab patay sa gitouhang 15 ka mga miyembro sa New People's Army (NPA) nga sakop sa Guerilla Front 30 (GF30), North Eastern Mindanao Regional Committee (NEMRC) ubos ni Joel Mahinay alyas Nicko.
Si 4th Infantry Division Commander Major General Franco Nemesio M. Gacal nipadangat sa iyang pahasubo sa namatyan.
“Our deepest condolences go to the families of Hawudon Astudillo and Ibanez. We strongly condemn the criminal act of the CNTs against the IPs.
The victims were unarmed civilians and should not to be considered
military targets involved in conflict. This is a clear violation of the International Humanitarian Law (IHL) under RA 9851. Aggravating to the circumstance, the victims identified were elderly people belonging to Manobo tribe.” matud niini.
Kahindumduman nga mideklarar si President Rodrigo Duterte og unilateral ceasefire batok sa NPA gikan sa March 19 paingon April 15, 2020 aron ang gobyerno makapokos sa pakigbatok sa Covid-19 pandemic.
“The CNT’s barbaric act also shows how they are taking advantage of the ceasefire declared by President Duterte in spite of the global health issues caused by Covid-19. We urge everyone to be vigilant against the treacherous actions of the CNTs. Your diamond troopers will pursue the perpetrators so that justice will be served swiftly,” dugang ni Gacal.