KIDAPAWAN CITY – Hugtanon nga gibantayan sa mga awtoridad ang utlanan nga bahin sa Maguindanao ug sa probinsya sa Cotabato.
Nagbutang og quarantine control point (QCP) ang lokal nga panggamhanan sa Datu Montawal Maguindanao sa kasikbit niini nga Kabacan, North Cotabato sa national highway.
Ang tanan nga muagi ipailawom sa thermal scanning kung taas ang imong temperatura kinanghanglan nga mupahuway una apan kung dili moubos, dal-on dayon sa medical team ug gikonsidera nga person under monitoring (PUM).
Mismo nga si Datu Montawal Mayor Datu Otho Montawal ug Kabacan Mayor Herlo Guzman Jr ang miabag sa mga pulis, sundalo ug medical team sa pagbantay sa quarantine control point.
Gibantayan sab pag-ayo sa QCP kadtong mga naggikan sa Manila ug ubang dapit nga dunay nagpositibo na sa Covid-19.
Apil na kadtong mga overseas Filipino workers (OFWs) nga naggikan sa mga nasud nga grabeng giigo sa Covid-19.
Sa kasamtangan ang probinsiya sa Cotabato ug Maguindanao ang nagpabilin nga Covid-19 free. (Edgar Fuerzas)