SUPERBALITA DAVAO

19 checkpoints idugang sa NorCot batok Covid-19

KIDAPAWAN CITY – Gipermahan ni North Cotabato Governor Nancy Catamco ang Executive Order (EO) No. 24 alang sa pagpahugot pa sa seguridad sa probinsya batok sa coronavirus disease (Covid-19).

Kini kabahin sa mga security measures nga nahiunod sa una nga EO 21 nga nagdeklara sa pre-emptive lockdown sa probinsya.

Natukod na ang pito ka entry sa Covid-19 checkpoints sa mga lungsod sa Arakan, Banisilan, Carmen, Makilala, Midsayap, Pigcawayan ug Tulunan Cotabato.

Kini abri 24/7 ug dunay nagbantay nga mga sundalo, pulis ug mga sakop sa rural health units ug kinahanglan ipailawom sa thermal scanning ang tanan nga muagi.

Dunay special lane alang sa militar, pulis, fire officers, medical personnel, senior citizens, mga buntis ug PWDs.

Daghanon sab ang mga tent aron luag alang sa pagsunod sa 1-meter social distancing advisory diin gawas niini dunay ibutang nga portable toilets.

Kung dunay gikalintura og uban nga sintomas susihon dayon kini sa rural health unit personnel sa usa ka isolated tent ug anaa sab exclusive Covid-19 vehicle aron dal-on sa Cotabato Provincial Hospital Triage Area.

Kinahanglan sab nga magdala og ID nga nagpamatuod nga molupyo sa probinsya apan kung dili taga North Cotabato dili pasudlon.

Exempted ang mga delivery nga sakyanan sa medicine, food and goods, media personnel, medical personnel, military and police nga nagtrabaho sulod sa probinsya.

Kadtong walay mga ID kinahanglan nga dunay sertipikasyon sa ilang matag barangay o opisyal sa lungsod. (Edgar Fuerzas)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph