TUKI-ON na sa International Olympic Committee (IOC) ang posibling pagkanselar o pag-uswag sa 2020 Tokyo Olympics nga gikatakdang sugda karong Hulyo 24, 2020.
Kini human sa panaghugpong sa worldwide group nga mipadayag sa ilang pagsupak sa pagpadayon niini hangtod nga makontrolar na sa hingpit kining pagkatap sa coronavirus.
“As the world unites to limit the spread of Covid-19 virus, the IOC... must do the same,” matod sa Global Athlete sa ilang pamahayag.
“It’s bizarre the IOC hasn’t shown any real leadership,” matod ni Caradh O’Donovan, founder sa Global Athlete nga taga Ireland kansang karate training ang naundang tungod sa restrictions sa iang nasod.
“They’re acting as though it’s business as usual and it just seems very strange.”
Girason ni O’Donovan sa ilang baruganan mao ang kakuwang sa training sa mga atleta, ang pagkontrolar doping ug ang standard sa mga atleta nga mopakita og aksiyon sa kompetisyon.
“Athletes want to be part of a solution to ensure the Games are a success,” ang Global Athlete nakanayon. “But under the current global restrictions that are limiting public gatherings as well as closing training facilities and borders, athletes do not have the ability to appropriately prepare for these Games, and their health and safety must come first.”
Ang presidente sa World Athletics nga si Seb Coe nag-awhag usab nga dili angayan ipadayon ang Olympics karong Hulyo.
“No one wants to see the Olympic Games postponed but ... we cannot hold the event at all costs, certainly not at the cost of athlete safety,” matod ni Coe. “A decision on the Olympic Games may become very obvious very quickly.”
Gawas ni Coe, ang National Olympic committee sa Brazil ug Slovenia ang misugyot nga sa 2021 na lang himuon ang Tokyo Olympics.
Ang Norway mipadayag usab nga dili sila mopadala sa ilang mga atleta sa Tokyo hangtod nga dili pa gyud hingpit nga resolbar kining krisis sa panglawas nga mihugpa sa tibuok kalibutan.
Gusto usab sa governing bodies sa swimming ug track and field sa Estados Unidos nga i-uswag ang kompetisyon.
Tungod niining, nagkalapad nga pagsupak, si Thomas Bach, presidente sa IOC, mipadayag nga andam sila nga motuki niining mga alternatibong gipangsugyot sa mga sports leaders.
“A decision about a postponement today could not determine a new date for the Olympic Games because of the uncertain developments in both directions: an improvement, as we are seeing in a number of countries thanks to the severe measures being taken, or a deteriorating situation in other countries,” matod ni Bach.
Mismong si Japanese Prime Minister Shinzo Abe, sa unang higayon, kagahapon, Lunes, Marso 23 mipadayag nga ang Tokyo Olympic Games kinahanglan nga i-postponed kon kini dili gyud makompleto tungod sa coronavirus pandemic.
Sa niaging adlaw, daan nang miingon ang International Olympic Committee (IOC) human sa ilang emergency meeting nga ilang tukion ang sunod lakang alang sa 2020 Olympics nga sugdan sa Hulyo 24, ug ang posibling pag-uswag niini.
Hinuon, matod ni Abe nga wala sa ilang laraw ang pagkanselar niini, ug ang pagdelatar maoy anaa sa ilang agenda.
“If that becomes difficult, we may have no option but to consider postponing the Games,” matod niya. (JBM)