Pacman andam mosugal sa kinabuhi vs. Covid-19

GIPABUHAGAY ni Senator Manny Pacquiao nga andam niyang isugal ang iyang kinabuhi makatabang lang sa pagsumpo sa coronavirus disease (Covid-19) hilabi na alang sa uyamot niyang mga kababayan.

Daghan na man tuod ang natabang ni Pacquiao sa nasod sa pagpakigbatok ning maong pandemic apan alang sa Pambansang Kamao ng Pilipinas, dili siya mohunong hangtod hingpit nga masugpo ang Covid-19.

Pipila na sab ka mga higayon nga personal kining nakigkita sa iyang mga kababayan aron motabang sa pagsabwag sa mahinungdanong mga impormasyon sa pagpakigbatok ning makalilisang nga sakit.

“If you are a leader, you have to be a front-liner,” pag-quote sa Manila Bulletin kang Pacquiao nga napatik sa www.boxingscene.com.

“You have to lead people and let people see that you are with them. I grew up poor. I know what they feel.”

Ning maong krisis sa panglawas, daghang mga tawo ang nawad-an og mga trabaho ug wala na’y makaon sa matag adlaw nga nakatay-og og maayo sa balatian sa World Boxing Association (WBA) welterweight champion.

Si Pacquiao nag-donate og lima ka mga bus alang sa tranportasyon sa healthcare workers sa Manila, ang capital ug ikaduhang labing daghang mga lumolupyo sa Pilipinas.

Nitabang na sab si Pacquiao sa pagbayad sa 50,000 testing kits ug 700,000 face masks alang sa mga Pinoy. Ang Covid-19 posibleng makalangan sa pagbalik og away sa bugtong 8-division world champion sa kasaysayan sa boksing.

Nagtinguha si Pacquiao nga mobalik og away karong Hulyo apan wala pa kini kaseguroan nga madayon gumikan ning pagkuyanap sa Covid-19. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph