TEMPORARYO nga gisirhan sa Land Transportation Office (LTO) 7 ang tanang buhatan niini sa rehiyon subay sa hulga batok Coronavirus disease 2019 (Covid-19).
Apan matod ni LTO 7 regional director nga padayon ang operasyon sa ilang ahensiya ug mihulagway kini nga “the law has never been suspended.”
Gani kagahapon, Marso 23, aduna’y 106 ka mga driver ang na-isyuhan nila og Temporary Operator’s Permit (TOP) human kini milapas sa mando sa Department of Transportation (DOTr) kabahin sa Social Distancing.
“Social distancing requires one-seat apart on PUVs. No backride for motorcycles. Social distancing applies to private vehicles also,” si Caindec nagkanayon.
Dugang sa direktor nga tanang buhatan nila sa rehiyon mapa-district office o extension office.
“Non collection of penalties for DL and MV renewal transactions will be implemented,” tipik sa anunsiyo sa LTO 7.
Subay niini aduna’y gilusad nga Malasakit Textline ang LTO 7 aron motutok sa mga kliyente niini.
“This initiative is created to fill the void after some of the LTO-7 offices were temporarily closed starting last Wednesday due to the ongoing health crisis. The text line will cater on four topics: Licensing/ Lisensiya (0918-557-6658), Registration/ Rehistro (0918-557-6662), Apprehension/ Dakop (0918-557-6664), and Plates/ Plaka (0918-807-3502).”
Hinuon motubag ra ang maong textline sa mga pangutana matag alas 8:00 sa buntag hangtod alas 5:00 sa hapon, Lunes hangtod Biyernes.
Aduna usa’y quick response centers o focal point offices ang abli aron maka-akomodar kini sa concern sa mga motorista.
Naglakip kini sa Tagbilaran City District Office, Bais City District Office ug Cebu City District Office and Operations Division. (HBL)