MAS maayo nga gipatuman sa gobyerno ang community quarantine. Kon wa pa, kusog pa sa jetplane ang kapaspas sa kaso sa coronavirus.
Bisan naka lockdown na, kusog gihapon ang gidaghanon sa mga nangasakit tungod sa pagtakodtakod sa wa pa ang community quarantine.
Sa pagsuwat nako niining balita duna nay 501 ang nahimong positibo ug dul-an sa 40 ang namatay.
Sa mga nangutana sa kahimtang dinhi sa Sugbo, maayo unta og sundon nila ang gihimo sa Luzon sa paghatag og report ngadto sa katawhan sa mga nagkasakit.
Kon magsigi sila og ingon nga zero ang kaso sa mga Sugboanon, daghang dili motuo kay nag-curfew naman gud ug kuwang nalang mag-quarantine.
Wa man gani dawata nila ang report sa pangangkon sa usa ka dakong negusyante nga nahimo siyang positive sa Covid-19 kay wa masubay sa protocol.
Labing maayong buhaton, coordination sa City Health Office (CTO), Provincial Health Office (PHO) ug Department of Health (DOH) ngadto sa mga pribadong ospital.
Mao nga di kita makabasol sa katawhan nga magpabilin ang ilang pagduda nga dunay gipangtago.
Akong nabantayan nga nahadlok sila nga magpanic. Ang pagtuman sa katawhan basi sa kamandoan sa gobyerno nga magpuyo sa balay amo mang gituman.
Gusto sab sa katawhan nga matuman ang ilang gusto sa pagpakisayod sa kamatuoran kon pila naman kabuok ang positibo sa Cebu City ug Cebu province.
Grabi sa Italy
Niabot na og 6 mil na ka mga tawo ang nangamatay ug libo-libo ang mga nagkasakit.
Ang namatay mga pare, madre, doctor, nurse, negusyante apan wa nila gitago ang kaso sa Coronavirus.
Gipahibawo nila sa tibuok kalibotan ang tinuoray nga panghitabo sa ilang nasud.
Mas bintaha kita dinhi sa Pilipinas kay gatusan pa ang biktima ug gamay ra ang kaso sa namatay.
Good news sa Cebu kay di alarming. Apan gikinahanglan tukma ang ilang i-report ngadto sa katawhan. (Efrenlonzon71@gmail.com / Text: 09235562777)