PADAYONG makadawat sa ilang monthly allowance ang mga sakop sa national team bisan og wala na kini maka-ensayo humang gipangsirad-an sa Philippine Sports Commission (PSC) ang ilang mga sports facilities.
Kini maoy giklaro ni PSC commissioner Ramon Fernandez kinsa miawhag sa mga atleta sa pagpadayon sa ilang training diha sa ilang panimalay.
Gawas lang niadtong mga atleta nga wala makauli sa ilang probinsiya human maabti sa pag-implementar sa “enhanced community quarantine” ug nagpabilin sa quarters, lakip sa gipangsirhan sa PSC oa ang mga dorms diha sa Rizal Memorial Sports Complex sa Manila ug sa Philsports sa Pasig City.
Ang mga sakop usab sa Philippine Para team nga nangandam alang sa 10th Asean Para Games nga gikatakda sa Oktubre makadawat usab gihapon sa maong pribelihiyo. (JBM)