SUGOD karong semanaha, sa online na lang manawat og dokumento ang Department of Labor and Employment (Dole) 7.
Matod ni Dole 7 Regional Director Salome Siaton nga usa kini sa pamaagi sa gobiyerno nga malikayan na kining physical distancing karon nga aduna’y hulga sa coronavirus disease 2019 (Covid-19).
Naglakip kini sa mga aplikasyon sa Covid-19 Adjustment Measures Program (Camp) diin mahatagan og P5,000 nga ayuda kadtong mga empleyado nga aduna’y flexible work arrangements (FWA) o apektado ang trabaho tungod sa Covid-19.
Alang sa mga aplikasyon sa Camp mamahimong mo email sa tricityfodole7@gmail.com kadtong mga kompaniya nga naa sa mga siyudad sa Cebu, Mandaue ug Lapu-Lapu.
Kon anaa gawas sa tri-cities sa Sugbo ang inyong kompaniya, i-sumiter inyong aplikasyon sa cpfodolero7camp@gmail.com.
Alang sa Negros Oriental, i-email kini sa nofodole7camp@gmail.com; Siquijor sa sfodole7camp@gmail.com; ug Bohol sa doleboholcamp@gmail.com.
Samtang sa dole_centralvisayas@yahoo.com kon dili related sa CAMP application.
“As much as possible, we will do what we can as a show of support to the government and to all the frontliners in this fight. Physical distancing must be observed. If there is a way for our clients not to personally come to Dole anymore, the better. That is to protect them as well as our personnel. At these extraordinary times, it is imperative that we religiously abide by rules and regulations set by government,” matod ni Siaton.
Gawas sa hotline sa Dole, aduna’y mga makeshift nga mga public assistance desk office ang gibutang gawas sa buhatan sa ahensiya.
Matawagan ang Dole 7 sa (0977) 610 9202 gikan sa Lunes hangtod Biyernes sa alas 8:00 sa buntag hangtod alas 5:00 sa hapon.
Samtang ang (032) 266-2792 available lang kini sa Lunes hangtod Huwebes sa alas 7:00 sa buntag hangtod alas 6:00 sa gabii. (HBL)