SUPERBALITA DAVAO

Pagpabiling himsog (Ikatulo sa lima ka edisyon)

DI MAKAGAWAS sa balay aron maka-work out? Di kana problema.

Mga amateur ug professional athletes naningkamot nga makapasingot bisan og naka-home quarantine tungod sa Covid-19 aron pabilin silang himsog.

Sa unang duha ka parte, si Meralco Bolts pointguard Baser Amer sa Davao City mipaambit sa iyang matag adlaw nga workout program sa balay, samtang si Rio Olympian marathoner Mary Joy Tabal sa Cebu City pabilin nga istrikto sa iyang diyeta nga ubos sa carbohydrates tungod di kaayo siya kasunod sa matag adlaw nga exercise routine.

Usa sa suliran sa home quarantine mao ang pagsige og ka-on, mas sobra sa naandan, mao nga importante ang disiplina.

Si Dabawenya Southeast Asian (SEA) Games 2015 wakeboard double bronze medalist Maiquel Jawn “Mikee” Selga, sa iyang bahin nagkanayon nga na-bored na siya tungod di maka-adto sa gym o maka-wakeboard apan gikumbinse ang kauglingon nga mas maayong anaa lamang siya mag-istar sa balay.

“I’ve made workout plans for my home quarantine and I just cut down my food intake to maintain my body,” niya sa SunStar Davao.

Gipaambit sab niya ang iyang workout plan, diin mamahimo kini nga mahimo sa balay bisan og way ekipo, kini ang 20, 40, 60, 80 ug 100 jumping jacks, mountain climbers o tabata plank sud sa 20 segundos ug 10 segundos nga pagpahuway (eight repetitions).

Labot sa Covid-19 pandemic, naka-amgo si Selga sa importansiya sa saktong paghugas sa kamot, pagsunod sa giya sa gobyerno aron pugngan ang balatian.

“Stay at home and stay safe always,” suma niya.

Kahinumduman nga si Selga mitigi sa 2017 ug 2019 nga edisyon sa SEA Games.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph