GIUSWAG ngadto sa laing petsa ang ikatulong panagsangka ni Tyson Fury ug Deontay Wilder tungod sa coronavirus (Covid-19) pandemic nga mikatap na og maayo didto sa Estados Unidos ug sa Britain, matod pa taho sa ESPN.
Ang maong away gikatakda unta sa Hulyo 18, 2020 apan ang promoter nga si Bob Arum miuswag niini ngadsto na sa Oktubre.
Tungod sa mga travel restrictions nga nakaapektar sa US ug Britain, ug ang pagpangsira sa mga casino sa Las Vegas, angay lang gyud nga i-postponed ang away.
“You could not guarantee the fighters that the event would take place on that date. We couldn’t convince them or ourselves,” ingon ni Arum. “Where were they going to train for it? It just made no sense. You just have to take a step back. How are you going to sell tickets? “It’s absolutely ridiculous to say the fight is on when the Brits can’t even get there.”
“Everybody has to take a step back. Boxing is not isolated,” sumpay ni Arum. “So possibly the fight will be in early October.”
Ang premiro nilang panagsangka Disyembre 2018 nagtabla. Apan sa niaging buwan, gi-knockout ni Fury si Wilder sulod sa ikaunom nga round. (JBM)