DEAR Papa Joe,
Please tambagi ko kay mura na ko og mabuang aning atong sitwasyon.
Tawga lang ko sa ngalan nga Lando, 45 anyos. Naa ko karon diri sa Cebu City pero taga probinsya gyud mi. Kauban nako ang akong asawa ug mga anak nga 7 ug 4 anyos.
Kon kwarta lang, naa man koy natigom gamay pero nahadlok ko basin unsaon namo og amping kay basin matakdan mi simbako, labi na sikitsikit ang among balay kay naa mi sa squatters area. Unsa na kaha ni? Di kaha ni ang katapusan sa kalibutan? Nagpanic na gyud mi. Palihug lamdagi mi.
LANDO
Lando,
Ang Ginuo ang Labaw nga Makagagahum ug Siya ang tubag sa imong pangutana. Kining tanan naay rason. Kon tan-aw nimo nalayo ka Niya, balik Niya, tuhui siya.
Dili ko pastor o unsa, pero kon mosalig ka Niya, way duhaduha, di ka gyud mounlod. Kon ugaling maapil ta sa maong panghitabo simbako, at least limpyo ang atong kalag kon katapusan man galing. Pero again, hugti ang imong pagtuo. Ayaw og panic kay ang Ginuo mo-provide ra. Saligi ang gobyerno nga di ta pasagdahan. Iampo nato sila nga kanunay silang giyahan, labi na ang frontliners nato.
Again salig sa Labawng Makagagahum kay usahay tagaan ta og problema para makabalik kon mosampit ta Niya.
PAPA JOE
(inyong tampo ipadala lang sa papajoesuperb@gmail.com)