SUPERBALITA CEBU

Inahan sa NBA Star na-coma

INAHAN ni Karl-Anthony Towns, star player sa NBA, ang anaa karon sa malisod nga kahimtang ug na-coma human makasinati og symptoms sa coronavirus disease 2019 (Covid-19).

Ang pambato sa Minnesota Timberwolves, sa iyang Instagram, mipaambit sa ilang kasinatian karon ug mipahimatngon sa publiko kon unsa ka kuyaw ang Covid-19,

Matod niya nga ang iyang mga ginikanan pulos wala sa maayong panglawas hinungdan gipaubos kini sa covid-19 testing.

Ang iyang amahan gipapauli sa ilaha alang sa self-quarantine samtang nagpaabot sila sa resulta, apan ang iyang inahan daw nagkaluya og maayo.

“Her lungs were extremely getting worse and she was having trouble breathing and they were just explaining to me that she had to be put on a ventilator,” dugang sa sentro sa T-Wolves.

Gibutyag ni Towns adunay ubo ug hilanat ang iyang inahan. Bisan pa man niini, naglaom gihapon sila nga maayo ra gihapon kini sa tambal sa hospital.

“I talked her when she went there and told her I loved her. Every day I always told her how much I love her,” ni Towns pa. “She was telling me things I didn’t want to hear so I dismissed some things she was saying because it wasn’t something I want to hear.”

Giangkon ni Towns nga lisod gyud alang kaniya ang ilang sitwasyon karon apan sa gihapon nagpabilin siyang positibo.

Iyang gi-encouraged nga buhaton ang tanan aron malikayan ang sakit ug sundon ang social distancing aron maprotehian ang kaugalingon.

“We’re going to keep fighting on my side, me and my family, we’re going to keep fighting this. We’re going to beat it, we’re going to win,” dugang niya.”Dominican women are strong, I know they are, my mother is the strongest woman I know and I know she’ll beat this and we’re going to rejoice when she does.” (JBM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph