LAING Sugboanon ang gipaabot nga makahatag og saktong kombati isip rookie player sa paghibalik na unya sa 2020 PBA season.
Si Barkley Ebona, ang kanhi produkto sa Cebu Institue of Technology-University (CIT-U) sa wala pa mobalhin sa Far Easter University (FEU) didto sa Kaulohan, ang nakuha sa Alaska Aces sa ikaupat nga round sa niaging drafting sa PBA. Ang 6-5 nga power-forward maoy usa sa mga gitutokan karon sa mga bag-ong salta sa PBA.
Aron paghatag og dugang kahanas sa ilawom nga bahin, si Ebona, anak sa kanhi sakop sa UV Green Lancers ug SWU Cobras nga si Boy Ebona, gipaubos karon sa training sa multi-awardee ug PBA legend Danny Ildefonso, usa sa mga coach sa Aces. Gihangop ni Ebona ang paghatag og giya ni Ildefonso ngadto kaniya.
“Napakalaki talaga,” matod ni Eboña nga nakutloan sa Spin.ph. “Si Coach Danny, alam natin legend sa PBA, magaling na big. Sobrang grateful ako na nasa Alaska siya.”
Si Ildefonso, two-time MVP, usa sa nagtudlo ni June Mar Fajardo sa dihang kauban pa sila sa San Miguel, ug ingon man ni Vic Manuel, ang usa sa mga pambato sa Alaska karon.
Gibutyag ni Ebona nga daghan na kaayo siya og nakat-onan ni Ildefonso kinsa pasensiyado kaayong motudlo og mga dagkong player.
“Every practice namin, nagpapaturo ako sa kanya, kay coach Danny at kay coach Tony (Dela Cruz). Kay coach Tony sa shooting, kay coach Danny, ‘yung galaw sa ilalim. Malaking tulong talaga sila,” dugang Sugboanon.
Ang headcoach sa Alaska nga si Jeff Cariaso, nalipay sa kalambuan nga iyang nabantayan ni Ebona atol sa mga preseason games.
“He is a guy who is no non-sense,” nagkanayon si Cariaso. “Hindi siya napapagod, rebound ng rebound, he is not afraid to be physical. He knows he is a little bit undersized but we like the fact that he is not backing down.”
Sa ilang duwa batok sa San Miguel Beer sa preseason Phoenix Pulse pocket tournament, si Ebona naka double-double nga may 10 puntos ug 10 ka rebounds. (JBM)