SUPERBALITA DAVAO

PUIs, PUMs sa Compostela niubos na

(SUNSTAR DAVAO FILE)

DAVAO DE ORO -- Mikubos na ang ihap sa patients under investigation (PUI) ug persons under monitoring (PUM) sa lungsod sa Compostela.

Sumala pa nga gikan sa 126 ka mga PUMs sa niaging adlaw, niabot na lang kini sa 110 subay sa pinakaulahing datus nga gipaguwa niadtong Miyerkules, Marso 25, 2020, alas 12 sa udto.

Samtang ang PUIs nga dunay tulo, duha na lang ug nagpabiling wala pay nagpositibo sa coronavirus disease (Covid-19) sa lungsod.

Apan bisan pa niini, nanawagan ang mga awtoridad ngadto sa katawhan nga ipadayon gihapon ang kooperasyon sa pagsunod sa mga mando o sumbanan sa gobyerno alang sa kaluwasan sa katawhan.

Niadtong Miyerkules, dunay gipaguwang bag-ong mando si Mayor Lema Bolo pinaagi sa Executive Order Number 29 series of 2020 nga nagbutang sa tibuok lungsod ilawom ubos sa mandatory community quarantine.

Maglakip ning bag-ong mando nga matapos sa Abril 14, 2020, ang pagsirado sa mga business establishment ug mga opisina gawas lang sa mga mosunod: opisina sa gobyerno, rice mills ug mga rice retailers, public market/wet market, groceries store, barbequehan, bakery ug uban pang susamang establisemento apan gikinahanglang mosunod gihapon sa “No Dine In, Take Out Only” policy.

Apil usab nga gitugutang makapadayon sa negusyo mao ang mga sari-sari stores, gas station, water refilling station, Agrivet supplies, hardware and construction supplies, ready to wear store kun RTW, vehicle repair-vulcanizing shop- spare parts ug auto parts supplies, power, water, energy ug telecommunication companies, mga bangko ug lending institution, savings and credit cooperative ug money transfer services ug Bayad Center.

Apil ang mga pharmacies/drugstore, mga hospital, private medical/ dental clinic ug mga balay paanakan sa lungsod 24 oras.

Tungod niini, apektado ang pipila ka gagmay negusyo hinungdan nga daghan ang nagkomento nga gi-post sa Facebook page sa LGU-Compostela.

Apan niadtong niaging mga adlaw sa paghinabi kang Vice Mayor Levi Edbao pinaagi sa messenger sa Facebook, gibutyag niini nga adunay mga food relief nga ipanghatag apan anaa pa sa planning stage ug gitan-aw pa usab ang listahan kung pila ang abuton sa matag barangay. (Dexter T. Visitacion)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph