SUPERBALITA DAVAO

Pribadong kompaniya di mosunod sa sumbanan sa Dole-Davao kasohan

(Hulagway gikan sa google)

MASILOTAN ang mga pribadong kompaniya nga wala misunod sa mga sumbanan ug mga lakang sa gobyerno, labi na sa paghatag og kaluwasan sa mga trabahante ug ang dili pagtuman sa mga proseso alang sa pagdawat sa P5,000 matag usa nga ihatag sa gobyerno.

Kini ang gibutyag ni Department of Labor and Employment (Dole) Davao spokesperson Emmanuel Monreal atol sa virtual press conference nga gihimo sa Philippine Information Agency (PIA) Davao niadtong Miyerkules, Marso 25.

Sumala ni Monreal nga adunay mga taho sa mga trabahante sa mga pribadong kompaniya nga nagpa-report pa sa mga trabahante luyo sa gipagula nga Executive Order No. 20 sa lokal nga kagamhanan diin anaa didto ang paghatag og flexible work arrangement (FWA) sa mga trabahante aron malikayan ang pagkuyanap sa coronavirus disease (Covid-19).

Dugang pa ni Monreal nga adunay dugang mga silot nga ipatuman sa mga pribadong kompaniya kung dili makahatag og mga pamaagi ubos sa Occupational Health Standards (OHS) measures.

Giingon sab sa opisyal nga kinahanglan ma-proseso na sa mga pribadong kompaniya ang mga papeles sa ilang mga trabahante aron ma-pinal na ang pagsumite kanila sa mga pangalan nga makabenepisyo sa ihatag sa Dole nga P5,000 matag usa.

Ugaling dili mapatuman ug napakyas ang pribadong kompaniya sa paghimo sa ingon, mamahimong ang empleyado mag-file og reklamo aron maoy basihan sa Dole-Davao.

Kung anaa na sa Dole-Davao ang reklamo, diha na sila momugna og inspeksiyon sa mga establisemento labi na kung pugson gayud sa mga pribadong kompaniya nga ipa-report ang mga trabahante.

Ubos sa maong balaod, adunay mga silot alang sa dili pagsunod sa mga sumbanan ug mga lakang nga alang sa mga trabahante labi na niining panahona sa kasamtangang pagbugno sa Covid-19. (PIA-Davao)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph