KASAMTANGANG nagadawat ang Davao Regional Medical Center (DRMC), pampublikong ospital sa dakbayan sa Tagum, og patients under investigation (PUI), gihatagan og otorisasyon nga mohimo og tests alang sa coronavirus disease (Covid-19) apan ang kakuwang sa “highly technical” nga medical personnel pabiling hagit.
Kini maoy gibutyag ni Southern Philippines Medical Center (SPMC) chief Leopoldo J. Vega.
“The more testing areas there are, the better it is,” pung ni Vega.
Apan iyang gikonsidera ang eksperto nga mosungag sa mga kagaw nga mopadagan sa “testing laboratory” isip pinakabililhong “resource”.
“What we have to do right now is just to make sure that the people are also trained to do that because this is not an ordinary thing of running a molecular biology [laboratory and] extracting virus if you have no safety protocols,” pagklaro niya.
Ang SPMC maoy giila isip maoy sub-national testing laboratory sa Research Institute for Tropical Medicine (RITM), ang Department of Health (DOH)’s national reference laboratory, sukad ang outbreak sa severe acute respiratory syndrome (Sars).
“This is the reason why we were able to procure the necessary machines, trained the people...and come up with enough training for them so they become part of the national RITM,” matud niya.
Bisan pa niini, gibutyag ni Vega nga duna lay duha ka molecular biologists nga naglihok sa testing laboratory sa SPMC ug kuwang sa kadaghan sa nataptan sa Covid-19.
Giseguro niya nga kining mga tawhana gibansay ug nakasinati na sa pagdumala og daghang mga sakit human ang Sars hangtud na sa kasamtangang kagaw.
“[When] Sars started and then H1N1 came in, the RITM were already thinking of endemic emerging diseases. And this is really an emerging disease so we have to prepare isolation facilities and laboratories for this,” pagtin-aw niya.
Naatol lang nga ang coronavirus paspas nga motakod ug naapsan ang mga rekursos, re-agents, ug mga tawo nga mosulod,” dugang pa niya.
Samtang, si DOH ug Davao Region regional director Annabelle Yumang nagsulti nga ang DRMC nagkinahanglan pa nga i-assess sa RITM base sa ilang kapasidad, inprastraktura, ug ang magamit nga mga “human resources”.
“Gani kung tan-awon nato, katong mga medtech, dugay-dugay na ang pag-train sa ilaha and kinahanglan gyud naa pay assessment moagi including sa mga biosafety,” pagklaro sab niya.
“Dali ra kaayo mopalit og equipment but the training, ang tawo, ang capacity sa mo-run sa laboratory, importante pod kaayo,” pagtumbok ni Yumang.