ABUYOG, Leyte -- Nadakpan sa mga sakop sa Criminal Investigation and Detection Group (CIDG) Northern Leyte ang usa ka lalake nga nagbaligya og overpriced nga alcohol pasado alas 10 sa buntag, Huwebes, Marso 26, 2020.
Giila ang suspek nga si Emilio Cariño, 28, nagpuyo sa maong lungsod.
Si Cariño gi-entrap sa mga pulis ug Department of Trade and Industry (DTI) kahuman nagbaligya og 60ml nga alcohol sa kantidad nga P75.
Nakuha ang 240 kabuok nga 60ml alcohol, washable face mask, cellphone ug buy-bust money.
Kasong kalapasan sa Republic Act (RA) 10623 (Price Act), RA 7394 (Consumer Act) ug RA 9711 (FDA Act) ang giatubang sa suspek. (JKDP)