SUPERBALITA CEBU

Manghilutay gipusil, patay

MAHAGBA: Si Dexter Delantar, 45, nga nahagba sa eskinita sa Brgy. Bsak Pardo, dakbayan sa Sugbo, human gipusil-patay. (Benjie T. Talisic)

USA ka manghilutay o tigmasahe gipusil-patay sa sudlunong bahin sa Sityo All Season 3, Barangay Basak Pardo, siyudad sa Sugbo kagahapon sa buntag, Huwebes, Marso 26.

Si PCpl. Jeymus Tordios sa Pardo Police Station niila sa biktima nga si Dexter Delantar, 45, ug taga Sityo All Season, Barangay Cogon Pardo.

Sa imbestigasyon sa Pardo Police Station nasuta nga usa ka lalaki ang miadto sa biktima nga giingong 'brad' sa ilang organisasyon ug dunay gipaningil sa biktima kalabot na sa usa ka butang nga gibaligya sa suspek nga posibleng iya sa mipukaw sa biktima.

“Atong gikonsidera usab nga persons of interest nato (ka broda) sa pagpatay sa biktima,” matud ni Tordios.

Samtang, gilantaw usab ang personal grudge nga anggulo ang posibleng rason sa pag patay sa biktima.

Si Remedios,38, asawa sa namatay, niingon nga usa ka Christopher Pable ang namukaw sa iyang bana kagahapon sa buntag ug nangita sa iyang bana.

Dihang nagkaistorya ang iyang bana ug si Pable, dunay panaglalis sa duha.

Nakurat na lang sa taho nga gipusil ang iyang bana.

Inahan

Inahan patay human gipusil sa iyang bayaw dihang nagkalalis niadtong Miyerkules sa gabii, Marso 25, sa Sitio Pajo, Barangay Pitalo, lungsod sa San Fernando.

Si Patricia Manloloyo, 45, dunay kapuyo, dead-on-arrival sa tambalanan sa Carcar human nakaangkog samad pinusilan sa iyang pusod.

Wa na igkita ang ssupek nga iyang bayaw nga si Gil Kiamco, security guard, matod ni i Police Captain Efren Diaz, Jr., hepe sa San Fernando Police Station. (BBT)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph