SUPERBALITA CEBU

8-anyos gitigbas sa iyang amahan

TUNGOD sa giingong kanunay nga pagreklamo bahin sa ilang sud-an nga kanunay utan, 8-anyos nga anak gitigbas sa amahan.

Nahitabo kini sa bukirang Barangay Basak, lungsod sa Badian niadtong Miyerkules sa buntag, Marso 25.

Si Dane (di tinuod ngan) 8, tinun-an sa grade 3, nakaangko'g samad sa iyang ulo.

Si Peter (di tinuod nga ngan), 45, amahan, usa ka panday gitangong na sa Badian Police station, kinsa gikatakdang pasakaag kasong frustrated parricide.

Si Captain Gilfred Baroman, hepe sa Badian Police Station nga nahinabi sa Superbalita Cebu niingon nga namahaw ang pamilya dihang si Dane dihang mipadayag sa iyang kasagmuyo sa ilang sud-an.

Tungod niini, si Peter nasuko, nagkalalis na hinuon sila sa iyang asawa.

Gumikan sa ilang panaglalis, si Peter nikuha sa kan-on ingon man sud-an nga utan gipanglabay.

Ang mga plato nagkatag sa sawog uban sa sud-an.

Si Dane nipunit sa mga nagkatag nga kan-on ug sud-an.

Dihadiha gitigbas ni Peter ang ulo ni Dane gamit ang sundang.

Di hinuon dako ang samad ni Dane ug nadali sa pagdala sa tambalanan samtang ang amahang suspetsado nadakpan sa miresponding police.

“Ang bata mi-ana daw nga mao lang gihapon ni ato sud-an og kan-on nga sinanduloy,” dugang ni Baroman.

Nasuko ang amahan hinungdan nga nanghagis.

Sa pagdakop sa mga pulis sa amahan mirason kini nga natagakan lang sa sundang ang iyang anak.

Apan ang bata mibutyag sa kapulisan nga sa pagpupho niya sa mga kan-on ug sud-an gitigbas gilayon siya sa iyang amahan.

Si Peter nagsige na lang sa paghilak, samtang nangayog pasaylo sa iyang tungod sa pagrekamo sa sud-an. (GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph