SUPERBALITA CEBU

Plaza: Pagsira sa MEZ kalapasan; Chan nagkondisyon

ANG Philippine Economic Zone Authority (Peza) nipahinumdom sa Lapu-Lapu City government sa mando ni Presidente Rodrigo Duterte ug ubang mga ahensya sa kagamhanan nga tugtan ang export and IT BPO locators nga padayong maka-operate.

Si Peza Director General Charito Plaza, sa suwat ngadto kang Lapu-Lapu City Mayor Junard Chan sa Marso 25, 2020, niingon nga ang locators kinahanglang makapadayon sa ilang operasyon nga estriktong nagsubay nga dunay skeletal workforce arrangement ug estriktong social distancing.

“Let me state at the outset that Peza is one with you in the worldwide collective effort to flatten the curve of this virulent coronavirus,” matod ni Plaza.

Si Plaza naglaum nga ang mayor nagiyahan sa mga polisiya nga gipangluwatan sa Inter-Agency Task Force for the Management of Emerging Infectious Diseases (IATF).

“The unhampered and unimpended movement of cargo and exempt personnel of Peza locators is guaranteed by the IATF and other pertinent agencies,” siya nagkanayon.

Sirhan gyud

Apan si Chan niingon nga wa nay makapugong sa iyang pagpasira sa Mactan Export Zone (MEZ) sulod sa mga adlaw nga ipaubos sa Enhanced Community Quarantine sa Dakbayan sa Lapu-Lapu.

Matod ni Chan nga nagkasabot na sila sa locators nga sirhan ang MEZ.

Nangayo ang mga negusyante og 72 oras kaniya sa di pa sirhan ang MEZ.

Ang mayor nipasabot nga mapugos siya sa pagpasira kay ang locators wa makatuman sa ilang sabot.

Sa usa ka tigom, matod ni Chan nga nagkasabot sila nga mopagamit og mga sakyanan ang locators sa ilang trabahante.

Apan ang mga negusyante wa makatuman sa ilang saad nga mohatag og mga sakyanan hinungdan nga nagtapok ang mga trabahante nga way social distancing, nga kalapasan usab sa mando ni Duterte.

Iya kining nabantayan niadtong Lunes, Marso 23, ug Martes, Marso 24.

Wa pa siya makadawat sa suwat ni Plaza.

“I know na there is a directive from the President nga they can operate but di man sad ko motuo nga moingon ang Presidente, yes you can operate. Unya in-ato ang situation? Naa tay protocol sa social distancing and we agreed last week kalabot ana unya they did not follow unsa atong buhaton. Ipadayon lang na nato?” matod ni Chan.

Giklaro ni Chan nga mahimong di mahinayon ang pagpasira basta makahatag og contingency plans.

Usa niini mao ang paghatag og transportasyon sa mga trabahante. (JOB, GCM)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph