SUPERBALITA CEBU

Lalawigan sa Sugbo lockdown sa Marso 30

Cebu Provincial Capitol. (File photo)

SUGOD sa Lunes, Marso 30, 2020 ipaubos na sa enhanced community quarantine (ECQ) ang lukop lalawigan sa Sugbo.

Kini maoy nauyonan sa kadagkoan sa lalawigan sa Sugbo atol sa gipahigayon nga hiniusang pulong sa Huwebes, Marso 26, 2020.

Atol sa pakighinabi sa mga tigbalita human sa pulong, gipasabot ni Gobernador Gwendolyn Garcia nganong gilugwayan pa og tulo ka adlaw usa ipatuman ang lockdown.

Kini tungod kay buot niya nga maka andam ang kadagkoan sa kalungsoran ug kabarangayan ingon man ang mga Sugboanon sama sa pagkaon, ayuda, aron usab makapauli.

Sa samang higayon duna pay higayon nga maapud-apod ang mga quarantine pass nga mahimong yawi sa matag pamilya nga maka gawas ug makapalit og supplies.

Ubos sa lalawigan sa Sugbo mao ang 44 ka mga munisipalidad ug pito ka mga siyudad.

Kon mag lockdown na, wala na'y tugotan nga makagawas sa mga balay, gawas lang sa usa ka sakop nga dunay quarantine pass.

Gawas lang sa mga Sugboanon ug establisimento nga dunay importante nga parte o trabaho aron may supply ug services gihapon ang mga Sugboanon.

Kini sama sa mga medical personnel, emergency response team, security guards, government officials ug selected government employees, sakop sa media, airline crew, mga mananagat o mag uuma, drivers ug delivery boy alang sa mosulod nga supplies ug uban pa.

Samtang sirado ang tanang mga establisemento gawas lang sa mga banko, funeral services, groceries ug supermarkets, convenience stores, food chains, pharmacies, telecompanies, energy companies, water companies, construction, airport, seaport ug agricultural business.

Sa maong higayon, wala na usa'y tugotan nga pampubliko nga sakyanan nga mobyahe.

Tungod niini, gimandoan ang tanan nga local government units (LGU) nga maoy mo provide og mga sakyan sa mga konstituente nga mo-paingon sa syudad ug motrabaho.

Gimandoan usab ni Garcia ang tanan nga mga kompanya nga nagpadayon pag operate nga mo provide usab og kasakyan sa mga empleyado niini.

Gipasabot ni Garcia nga ang pagpaubos sa lalawigan sa lockdown wa magpasabot nga ang kagamhanan na ang mo provide sa tanan nga panginahanglan ilabi na ang pagkaon.

Matod ni Garcia nga sa giatubang nga krisis, unahon una ang katong labing nagkinahanglan.

I-identify kini sa matag barangay.

"Akong giingnan ang mga mayors, let us reserve assistance for the poor and helpless, dili nga mo apil pa mong mga negosyante",matod ni Garcia.

Aron nga maka palit og pagkaon ug supplies ang mga Sugboanon, tagaan og usa ang matag panimay og quarantine pass sa LGU.

Lakip nga mahatagan mao kadtong nag abang o nagpuyo sa dormitories.

Ang quarantine pass magamit sulod lang sa jurisdiction sa usa ka lungsod.

Pasabot nga kon gamiton kini nga lapas na sa teritoryo sa lungsod, dili na kini dawaton.

Ang quarantine pass libre nga ihatag.

Hinungdan nga giawhag ni Garcia ang tanan nga Sugboanon nga mosumbong ngadto sa iyang opisina ang magpabayad niini.

Gawas sa 24 oras nga curfew, gi dili na usab ang pag inom sa gawas sa mga panimay.

Ang kamandoan ipaagi sa usa ka executive order (EO) No. 5-O nga gikatakda nga luwatan ni Garcia. (ANV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph